SEI ZVICHIKOSHA? Jehovha anoita kuti mbeu yechokwadi ikure mumwoyo yevaya vane ‘mafungiro akanaka ekuti vave neupenyu husingaperi.’ (Mab 13:48; 1VaK 3:7) Tinoshanda pamwe chete naye patinoita ushumiri tichitsvaga vaya vanoda kushandisa zvavanodzidza. (1VaK 9:26) Vatinodzidza navo Bhaibheri vanofanira kunzwisisa kuti kana vachida kupona vanofanira kubhabhatidzwa. (1Pe 3:21) Tinovabatsira kuti vave vadzidzi nekuvadzidzisa kuti vachinje mararamiro avo, vaparidze nekudzidzisawo vamwe uye kuti vatsaurire upenyu hwavo kuna Jehovha.​—Mt 28:19, 20.

MAITIRWO AZVO:

• Yeuchidza vaunodzidza navo Bhaibheri kuti chinangwa chekudzidza ndechekuti ‘vazive’ Jehovha voita zvaanoda.​—Joh 17:3

• Vabatsire kuti vafambire mberi nekurega zvinhu zvakadai setsika dzakaipa uye shamwari dzakaipa

• Vasimbise uye vakurudzire vasati vabhabhatidzwa uye kunyange pavanenge vazobhabhatidzwa.​—Mab 14:22

ONA VHIDHIYO INONZI JEHOVHA MWARI ACHAKUBATSIRA, WOZOPINDURA MIBVUNZO IYI:

• Nei vamwe vachitya kuzvitsaurira uye kubhabhatidzwa?

• Vakuru vangabatsira sei vadzidzi veBhaibheri kuti vafambire mberi?

• Isaya 41:10 inotidzidzisei nezvaJehovha?

• Chii chichatibatsira kuti tishumire Jehovha nenzira yaanoda kunyange zvazvo tiine chivi?