Kubva muna 2018, magazini imwe neimwe yatinopa vanhu inenge ichitaura nezvenyaya imwe chete. Magazini aya anowanikawo muBhokisi reMaturusi Ekudzidzisa. Saka tinogona kuashandisa muushumiri. Tinogonawo kutakura mashoma patinenge tiri parwendo kana kuti patinenge tichitenga. Magazini acho haasi ekushandisa pakudzidza Bhaibheri nevanhu asi anogona kuita kuti vanhu vade kuziva zvakawanda nezvaMwari.

Kana watanga kukurukura nemunhu, muverengere rugwaro uye taura nezvenyaya yaangafarira iri mumagazini yacho. Semuenzaniso, kana aine mhuri kana kuti aine zviri kumunetsa, ungati: “Ndine imwe nyaya yandakaverenga ine mazano akanaka. Ndokuratidzai here?” Kana ukaona kuti munhu wacho ari kuda kuziva zvakawanda, unogona kumupa magazini yakaprindwa kana kumutumira pafoni, kunyange paunomuona kekutanga. Kunyange zvazvo chinangwa chedu chikuru chisiri chekupa vanhu mabhuku, magazini anogona kutibatsira kuwana vanhu vanoda kushandisa zvavanodzidza.—Mab 13:48.