KURARAMA KWECHIKRISTU
Kuvandudza Unyanzvi Hwedu Muushumiri—Kushandisa Mibvunzo Zvinobudirira
SEI ZVICHIKOSHA? Kana ‘zvinofungwa nemunhu mumwoyo make zvakaita semvura yakadzika,’ mibvunzo ichaita semugomo unotibatsira kuchera mvura iyoyo. (Zvi 20:5) Mibvunzo inoita kuti watinenge tichitaura naye ataurewo uye inoita kuti tizive zviri mumwoyo make. Jesu aishandisa mibvunzo zvinobudirira. Tingamutevedzera sei?
MAITIRWO AZVO:
-
Bvunza mibvunzo inoita kuti ataure zvaanofunga. Jesu akabvunza vadzidzi vake mibvunzo kuti azive zvavaifunga. (Mt 16:13-16; be 238 ¶4-6) Mibvunzo ipi yaungabvunza?
-
Bvunza mibvunzo inoita kuti akurumidze kuona mhinduro yacho. Jesu paaida kugadzirisa mafungiro aPetro, akamubvunza mibvunzo uye akataura mhinduro dzakasiyana-siyana kuti Petro asarudze yakarurama. (Mt 17:24-26) Mibvunzo ipi yaungabvunza?
-
Murumbidze. Mumwe munyori ‘paakapindura neungwaru’ Jesu akamurumbidza. (Mk 12:34) Ungarumbidza sei mumwe munhu anenge apindura?
ONA CHIKAMU CHEKUTANGA CHEVHIDHIYO INONZI ITA BASA RAIITWA NAJESU—DZIDZISA, WOZOPINDURA MIBVUNZO INOTEVERA:
-
Nei madzidzisiro aya asina kunaka, kunyange zvazvo zvanga zvichitaurwa zviri zvechokwadi?
-
Nei tisingafaniri kungogumira pakutsanangura?
ONA CHIKAMU CHECHIPIRI CHEVHIDHIYO IYI, WOZOPINDURA MIBVUNZO INOTEVERA:
-
Mudzidzisi ashandisa sei mibvunzo zvinobudirira?
-
Ndezvipi zvimwe zvatinogona kutevedzera pamadzidzisiro ake?