Mharidzo Dzekuenzanisira
NHARIREYOMURINDI
Mubvunzo: Munofunga kuti panyika paizonakidza kurarama here kudai munhu wose aiita zvinotaurwa nevhesi iyi yeBhaibheri?
Rugwaro: VaH 13:18
Zvekutaura: Bhaibheri rinotikurudzira kuti tive vakatendeseka muzvinhu zvose. Saka tinofanira kuva vanhu vakatendeseka pane zvose zvatinoita muupenyu hwedu. Izvi ndizvo zviri kutsanangurwa neNharireyomurindi iyi.
NHARIREYOMURINDI (peji yekupedzisira)
Mubvunzo: Ndingadawo kunzwa zvamunofunga nezvemubvunzo uyu. [Verenga mubvunzo wekutanga.] Vamwe vanoti patinofa pane chimwe chinhu chiri matiri chinoenderera mberi nekurarama kune imwe nzvimbo uye vamwe vanoti kana munhu afa zvatopera. Munotiwo chii?
Rugwaro: Mup 9:5
Zvekutaura: Pano panotsanangura zvimwe zvinotaurwa neBhaibheri nezvenyaya iyi. Munogona kuzoverenga kuti muzvinzwire. Uye tinogona kuzokurukura nezvazvo patinozoonana.
MASHOKO AKANAKA ANOBVA KUNA MWARI!
Zvekutaura: Ndangoti ndipfuure nepano ndichikuudzai nezveurongwa hwedu hwekudzidza nevanhu Bhaibheri vasingabhadhari. Bhuku iri rinoratidza kuti mungawana papi mhinduro dzemibvunzo inokosha muBhaibheri renyu.
Mubvunzo: Makamboverenga Bhaibheri here? Regai ndikuratidzei kuti zvidzidzo zviri mubhurocha iri zviri nyore sei. [Kurukurai mubvunzo 1 uri muchidzidzo 2.]
Rugwaro: Zva 4:11
NYORAWO MHARIDZO YAKO
Nyorawo mharidzo yako pachako yomuushumiri uchitevedzera mharidzo yokuenzanisira iri pamusoro apa.
