Samueri akaramba akatendeka kuna Jehovha kweupenyu hwake hwese. Paaiva mukomana wechidiki akaramba kuita zvinhu zvakaipa zvaiitwa nevanakomana vaEri, Hofini naFiniyasi. (1Sa 2:22-26) Samueri akaramba achikura uye Jehovha aiva naye. (1Sa 3:19) Paakanga akwegura, akaramba achifamba munzira dzaJehovha, kunyange zvazvo vanakomana vake vasina kudaro.—1Sa 8:1-5.

Muenzaniso waSamueri unotidzidzisei? Kana uri wechidiki, ziva kuti Jehovha anonzwisisa matambudziko auri kusangana nawo uye manzwiro auri kuita. Anogona kukubatsira kuti uve neushingi. (Isa 41:10, 13) Kana uri mubereki ane mwana akapanduka, nyaradzwa nekuziva kuti Samueri aisagona kumanikidza vanakomana vake vainge vakura kuti varambe vachiita zvinodiwa naJehovha. Akasiyira nyaya yacho kuna Jehovha, achiramba akaperera kwaari uye achifadza Baba vake vekudenga. Zvimwe muenzaniso wako wakanaka uchaita kuti mwana wako adzoke kuna Jehovha.

ONA VHIDHIYO INONZI DZIDZA KUBVA KWAVARI—SAMUERI, WOZOPINDURA MIBVUNZO INOTEVERA:

• Samueri akaratidza sei ushingi paaiva mukomana?

• Danny akaratidza sei ushingi?

• Samueri akaratidza sei muenzaniso wakanaka paainge akwegura?

• Vabereki vaDanny vakaratidza sei muenzaniso wakanaka?