37:1, 2

• Vanhu vakaipa vanoita sekuti vari kubudirira ngavarege kukukanganisa pakushumira Jehovha. Ramba uchifunga nezvemakomborero anobva kuna Jehovha uye zvaunovavarira kuita pakunamata

37:3

• Vimba kuti Jehovha achakubatsira paunenge uchizvidya mwoyo kana kuti kutenda kwako pakunenge kwava kuderera. Achakubatsira kuti urambe wakatendeka

• Gara uchiudza vamwe mashoko akanaka eUmambo hwaMwari

37:4

• Ronga nguva yekuti uverenge nekufungisisa Shoko raMwari nechinangwa chekuti uwedzere kuziva Jehovha

37:5, 6

• Nyatsovimba kuti Jehovha achakubatsira kukunda chero dambudziko raungasangana naro

• Ramba uchiita zvakanaka paunoshorwa, paunotambudzwa, kana kuti vanhu pavanotaura zvisizvo nezvako

37:7-9

• Usaita zvinhu usina kufunga, nekuti zvichakukanganisa pakunamata uye zvichaita kuti usafare

37:10, 11

• Iva munhu munyoro, uye mirira kuti Jehovha azobvisa zvakaipa zvose zvauri kusangana nazvo

• Batsira vaunonamata navo, uye nyaradza vakaora mwoyo uchivaudza nezvevimbiso yaMwari yenyika itsva yava pedyo