CHIKAMU 2
Mafashamo Kusvikira Kununurwo muEgipita
Vanhu vasere bedzi vakapukunyuka Mafashamo, asi munguva yakati kuti vakawedzera chiverengero kuva zvuuru zvizhinji. Ipapo, makore 352 pashure peMafashamo, Abrahama akaberekwa. Tinodzidza kuti Mwari akapfuurira sei kuchengeta chipikirwa chake nokupa Abrahama mwanakomana ainzi Isaka. Tevere, nezvavanakomana vairi vaIsaka, Jakobho akasarudzwa naMwari.
Jakobho akanga ane mhuri huru yavanakomana 12 navanasikana vakati kuti. Vanakomana vaJakobho 10 vaivenga munin’ina wavo Josefa nokudaro vakamutengesera muutapwa muEgipita. Gare gare, Josefa akava mubati ushe anokosha weEgipita. Pakasvika nzara huru, Josefa akaedza vakoma vake kuti agoona kana vakanga vachinja mwoyo. Pakupedzisira, mhuri yose yaJakobho, vaIsraeri, yakatamira Egipita. Ikoku kwakaitika makore 290 pashure pokuberekwa kwaAbrahama.
Kwamakore 215 akatevera vaIsraeri vakagara muEgipita. Pashure pokufa kwaJosefa, vakava varanda imomo. Munguva yakati kuti, Mosesi akaberekwa, uye Mwari akamushandisa kununura vaIsraeri muEgipita. Ose, makore 857 enhau anofukidzwa muChikamu CHECHIPIRI.
ZVIRI MUCHIKAMU CHINO
NHAU 12
Vanhu Vanovaka Zishongwe
Mwari haana kufara nazvo, uye chirango chaakapa chichiri kuoneka nanhasi.
NHAU 13
Abrahama—Shamwari yaMwari
Nei Abrahama akasiya musha wake wakanaka achinogara mumatende kweupenyu hwake hwese?
NHAU 16
Isaka Anowana Mudzimai Akanaka
Chii chaiita kuti Ribheka ave mudzimai akanaka? Rwaiva runako rwake here kana kuti chimwewo chinhu?
NHAU 17
Manyambiri Akanga Akasiana
Baba vavo, Isaka, vainyanya kuda Esau, asi amai vavo, Ribheka, vainyanya kuda Jakobho.
NHAU 19
Jakobho Ane Mhuri Huru
Madzinza 12 evaIsraeri akatumidzwa kubva pavanakomana 12 vaJakobho here?
NHAU 22
Josefa Anoiswa Mutorongo
Anoiswa mujeri, kwete nekuti akanga atyora mutemo, asi nekuti akanga aita zvakanaka.
NHAU 24
Josefa Anoedza Vakoma Vake
Angaziva sei kuti vachinja unhu hwavaiva nahwo pavakamutengesa semuranda?
NHAU 26
Jobho Anotendeka Kuna Mwari
Jobho akarasikirwa nepfuma yake, vana vake, uye akarwara zvisingaiti. Mwari aimuranga here?
NHAU 27
Mambo Akaipa Anodzora Egipita
Nei akaudza vanhu vake kuti vauraye vana vakomana vese vachiIsraeri vainge vachangoberekwa?
NHAU 28
Maponeserwe Akaitwa Mosesi
Amai vake vanotsvaga nzira yekuti mwana wavo asaurayiwa sezvakanga zvarayirwa namambo kuti vana vakomana vese vanofanira kuurayiwa.
NHAU 29
Chikonzero Nei Mosesi Akatiza
Mozisi paaiva nemakore 40, aifunga kuti akanga ava kukwanisa kununura vaIsraeri, asi zvakanga zvisirizvo.
NHAU 30
Gwenzi Rinopfuta Moto
Achishandisa zvishamiso zvinotevedzana, Mwari anoudza Mozisi kuti nguva yekuti abudise vaIsraeri muIjipiti yakanga yakwana.
NHAU 32
Madambudziko 10
Mwari akaunza matambudziko 10 pavaIjipiti nekuti mambo wavo aiomesa musoro achiramba kuti vaIsraeri vabude muIjipiti.
NHAU 33
Kuyambuka Gungwa Dzvuku
Mozisi anopatsanura mvura yemuGungwa Dzvuku achishandisa simba raMwari uye vaIsraeri vanoyambuka nepakaoma.
