CHIKAMU 3
Nunurwo muEgipita Kusvikira Kuna Mambo Wokutanga waIsraeri
Mosesi akatungamirira vaIsraeri kubva muutapwa muEgipita kuenda kuGomo reSinai, apo Mwari akavapa mitemo yake. Pashure, Mosesi akatuma varume 12 kundosora nyika yeKanani. Asi 10 vavo vakadzoka nomushumo wakashata. Vakaparira vanhu kuda kudzokera Egipita. Mwari akaranga vaIsraeri nokuda kweshaikwo yokutenda nokuvaita kuti vadzungaire makore 40 murenje.
Pakupedzisira, Joshua akasarudzwa kutungamirira vaIsraeri kupinda munyika yeKanani. Kuti agovabetsera kutora nyikayo, Jehovha akaparira manenji kuitika. Akaita kuti kuyerera kwoRwizi rweJoridhani kumire, masvingo eJeriko akoromoke, nezuva kuti rimire zuva rose. Pashure pamakore matanhatu, nyika yakatorwa kuna vaKanani.
Kuvamba naJoshua, Israeri akabatwa ushe kwamakore 356 navatongi. Tinodzidza nezvavazhinji vavo, kubatanidza naBharaki, Gidheoni, Jefta, Samsoni naSamueri. Tinoravawo nezvavakadzi vakadai saRakabhi, Dhebhora, Jaeri, Rute, Naome naDherira. Ose, chikamu CHECHITATU chinofukidza makore 396 enhau.
ZVIRI MUCHIKAMU CHINO
NHAU 34
Rudzi Rutsva Rwezvokudya
Zvekudya izvi zvavakapiwa naMwari zvaiita kudonha zvichibva kudenga.
NHAU 36
Mhuru Yendarama
Chii chakaita kuti vanhu vanamate chidhori chakagadzirwa nemhete dzavo dzakanyungudutswa?
NHAU 38
Tsori 12
Tsori 10 dzinotaura chinhu chimwe chete, asi mbiri dzinotaurawo zvimwe. VaIsraeri vanoteerera zvinotaurwa nevapi?
NHAU 39
Tsvimbo yaAroni Inoita Maruva
Zvakafamba sei kuti chimuti chakaoma chiite maruva nemichero muusiku humwe?
NHAU 43
Joshua Anova Mutungamiriri
Mozisi haasati anyanya kuchembera, saka nei ari kutsiviwa naJoshua?
NHAU 44
Rakabhi Anovanza Tsori
Rakabhi anobatsira sei varume ava vaviri, uye anovakumbira kuti vazomuitirei?
NHAU 48
VaGibheoni Vakachenjera
Vanonyengedza Joshua kuti aite sungano navo, asi vaIsraeri vanochengeta sungano yacho.
NHAU 49
Zuva Rinomira
Jehovha anoitira Joshua chimwe chinhu chaanga asati amboita uye chaasati ambodzokorora kubvira ipapo.
NHAU 50
Vakadzi Vairi Vakashinga
Bheraki ndiye anotungamirira vaIsraeri kuti muhondo yacho, saka nei kukudzwa kuri kuenda kuna Jaeri?
NHAU 52
Gidheoni Navarume Vake 300
Mwari akasarudza vanhu vashoma vaizorwa muhondo iyi achishandisa manwiro aizoita vanhu mvura.
NHAU 55
Kakomana Kanobatira Mwari
Mwari anoshandisa Samueri kuudza Mupristi Mukuru Eri mashoko anorwadza.
