CHIKAMU 5
Utapwa muBhabhironi Kusvikira Kukuvakwazve Kwamasvingo eJerusarema
Vachingunoveri muutapwa muBhabhironi, vaIsraeri vakava nemiedzo mizhinji yokutenda kwavo. Shadraki, Meshaki naAbhedhinego vakakandwa muchoto chomwoto unopisa, asi Mwari akavabudisa vari vapenyu. Gare gare, pashure pokunge Bhabhironi rakundwa navaMedhe navaPersia, Dhanieri akakandirwa mugomba reshumba, asi Mwari akamudzivirirawo nokupfiga miromo yeshumba.
Pakupedzisira, mambo wePersia Koreshi akasunungura valsraeri. Vakadzokera kunyika yokwavo makore 70 chaiwo pashure pokuve vaendeswa Bhabhironi senhapwa. Chimwe chezvinhu zvokutanga zvavakaita pauakahwirira Jerusarema chaiva chokutanga kuvaka tembere yaJehovha. Zvisinei, vavengi vakakurumidza kumisa basa ravo. Nokudaro aiva anenge makore 22 pashure pokuhwirira Jerusarema apo pakupedzisira vakapedza tembere.
Gare gare, tichadzidza nezverwendo rwaEzra rwokudzokera Jerusarema kundonatsa tembere. Apa paiva pamakore 47 pashure pokupedzwa kwetembere. Tevere, makore 13 pashure porwendo rwaEzra, Nehemia akabetsera kuvakwazve kwamasvingo akapwanywa eJerusarema. Chikamu CHECHISHANU chinofukidza makore 152 enhau kusvikira kunguva iyi.
ZVIRI MUCHIKAMU CHINO
NHAU 78
Runyoro Ruri Pachidziro
Muprofita Dhanieri anotsanangura zvinorehwa nemashoko mana akanyorwa pamadziro.
NHAU 79
Dhanieri Ari Mugomba Reshumba
Dhanieri anotongerwa rufu, asi pane zvaaigona kuita here kuti izvi zvisaitika?
NHAU 80
Vanhu vaMwari Vanobva Bhabhironi
Koreshi, Mambo wePezhiya azadzisa humwe uprofita nekukunda kwaaita Bhabhironi uye iye zvino ava kuzadzisa humwe.
NHAU 81
Kuvimba Nebetsero yaMwari
VaIsraeri havana kuteeerera vanhu vachiitira kuti vateerere Mwari. Mwari aizovakomborera here?
NHAU 82
Modhekai naEstere
Mambokadzi Vhashti aiva akanaka asi Mambo Ahashivheroshi akazomutsiva naEsteri. Nei?
NHAU 83
Masvingo eJerusarema
Pavanenge vachivakazve masvingo, vanofanira kugara vaine mapakatwa nemapfumo siku nesikati.
