CHIKAMU 6
Kuberekwa kwaJesu Kusvikira Kurufu Rwake
Ngirozi Gabrieri yakatumwa kumukadzi muduku akaisvonaka anonzi Maria. Yakamuudza kuti aizova nomwana aizobata ushe samambo nokusingaperi. Mwana, Jesu, akaberekerwa muchitevere, maakashanyirwa navafudzi. Gare gare, nyeredzi yakatungamirira varume vanobva Mabvazuva kumwana muduku. Tinonzwa kuti ndiani akavaita kuti vaone nyeredzi iyeyo, uye kuti Jesu akaponeswa sei panhamburiko dzokumuuraya.
Tevere, tinowana Jesu, paanga ava namakore 12 okukura, achitaura navadzidzisi mutembere. Makore gumi namasere apashure Jesu akabhapatidzwa, uye ipapo akavamba basa rokuparidza Umambo nokudzidzisa raakatumwa naMwari kuzoita kupasi. Kumubetsera mubasa iri, Jesu akasarudza varume 12 ndokuvaita vaapostora vake.
Jesu aiitawo manenji. Akadyisa zvuuru zvavanhu hove duku shomanene nezvingwa zvishomanene. Akaporesa varwere uye kunyange kumutsa vakafa. Pakupedzisira, tinonzwa nezvezvinhu zvizhinji zvakaitika kuna Jesu mukati mezuva rokupedzisira roupenyu hwake, uye kuti akaurawa sei. Jesu akaparidza kwaanenge makore matatu nehafu, nokudaro CHIKAMU 6 chinofukidza nhambo yamakore anotipfuurei 34.
ZVIRI MUCHIKAMU CHINO
NHAU 84
Ngirozi Inoshanyira Maria
Inounza mashoko anobva kuna Mwari: Mariya achava nemwana achazova mambo nekusingaperi.
NHAU 86
Vakatungamirirwa Nenyeredzi
Ndiani akatungamirira vazivi venyeredzi kuna Jesu? Mhinduro yacho inogona kukushamisa.
NHAU 87
Jesu Muduku Ari Mutembere
Zvaanoita zvinoshamisa kunyange varume vakuru vanodzidzisa patemberi.
NHAU 88
Johane Anobhabhatidza Jesu
Johani anga achibhabhatidza vatadzi, asi Jesu haana kumbobvira atadza. Nei Johani akamubhabhatidza?
NHAU 90
Nomukadzi Patsime
Sei zvichinzi mvura iyo Jesu ari kupa mukadzi uyu inoita kuti asafa akanzwa nyota zvekare?
NHAU 92
Jesus Anomutsa Vakafa
Achishandisa simba raMwari Jesu akataura mashoko maviri achibva amutsa mwanasikana waJairosi.
NHAU 93
Jesu Anodyisa Vanhu Vazhinji
Chishamiso chakaitwa naJesu chekupa vanhu vakawanda zvekudya, chairatidzei?
NHAU 94
Anoda Vana Vaduku
Jesu anodzidzisa vaapostora vake kuti vane zvakawanda zvavanogona kudzidza kubva kuvana.
NHAU 95
Madzidzisire Anoita Jesu
Jesu anowanzoshandisa mifananidzo pakudzidzisa kwaanoita. Panguva ino akashandisa wemuSamariya akanaka.
NHAU 98
PaGomo reMiorivhi
Jesu akaudza vaapostora vake 4 zvinhu zvatiri kutoona zvichiitika mazuva ano.
NHAU 99
Mukamuri Rapamusoro
Nei Jesu akaudza vadzidzi vake kuti varambe vachiyeuka zuva iri rinokosha gore rimwe nerimwe?