Unoona Sei Ramangwana?
Nyika ino . . .
-
icharamba iri sezvairi here?
-
ichatowedzera kuipa here?
-
ichava nani pane zvairi here?
BHAIBHERI RINOMBOTII?
“Mwari . . . achapukuta misodzi yese pamaziso avo, uye hapazovi nerufu, kana kuchema kana kuridza mhere kana kurwadziwa. Zvinhu zvekutanga zvapfuura.”—Zvakazarurwa 21:3, 4, Bhaibheri—Shanduro yeNyika Itsva.
ZVARINOTAURA ZVINGAKUBATSIRA SEI?
Uchava nebasa rinokugutsa uye rinofadza.—Isaya 65:21-23.
Panenge pasisina kurwara kana chero chinonzi kutambudzika.—Isaya 25:8; 33:24.
Uchava neupenyu hunofadza husingagumi nehama neshamwari.—Pisarema 37:11, 29.
TINGANYATSOBVUMA ZVINOTAURWA NEBHAIBHERI HERE?
Hongu. Tine zvikonzero zviviri zvinoita kuti tidaro:
-
Mwari haatadzi kuzadzisa zvaakavimbisa. MuBhaibheri, Jehovha Mwari chete ndiye anonzi “Wemasimbaose,” nekuti ane simba risingagumi. (Zvakazarurwa 15:3) Saka anonyatsokwanisa kuita zvaakavimbisa zvekuti achachinja nyika kuti inake. Sezvinotaurwa neBhaibheri, “zvinhu zvese zvinobvira kuna Mwari.”—Mateu 19:26.
-
Mwari anoda kuzadzisa zvaakavimbisa. Semuenzaniso, Jehovha anosuwa vanhu vakafa, saka achavamutsa.—Jobho 14:14, 15.
Bhaibheri rinoratidzawo kuti Mwanakomana waMwari, Jesu, akaporesa vanorwara. Akazviitirei? Nekuti aida kuzviita. (Mako 1:40, 41) SaBaba vake, Jesu aida kubatsira vaitambura.—Johani 14:9.
Saka tinogona kuva nechokwadi kuti Jehovha naJesu vanoda kutibatsira kuti tive neramangwana rinofadza!—Pisarema 72:12-14; 145:16; 2 Petro 3:9.
ZVEKUFUNGA NEZVAZVO
Mwari achachinja sei nyika kuti inake?
Bhaibheri rinopindura mubvunzo iwoyo pana MATEU 6:9, 10 naDHANIERI 2:44.
Zvimwe Zvaunogona Kufarira
NHARIREYOMURINDI
Chokwadi Nezveramangwana
Simbisa tariro yako yekuti zvinotaurwa naMwari kuti zvichaitika panyika zvichazadzika.
DZIMWE NYAYA
Tariro Yechokwadi Yeramangwana Rakanaka
Nemhaka yei zvinhu zvinovimbiswa muBhaibheri zvakasiyana nezvinozvimbiswa nevanhu?
ESSENTIAL BIBLE TEACHINGS
Umambo hwaMwari Chii?
Jesu paaiva panyika nyaya yaainyanya kudzidzisa vanhu ndeyeUmambo hwaMwari. Vanhu vava nemakore akawanda vachinyengetera kuti Umambo ihwohwo huuye.
NHARIREYOMURINDI
Umambo hwaMwari Huchaitei?
Jesu aiziva kuti Umambo hwaMwari ndihwo hwega hunokwanisa kugadzirisa zvinhu panyika. Zvii zvakatoitwa neUmambo zvinoita kuti tive nechokwadi nazvo?
NEZVEDU
Kumbira Kushanyirwa
Unogona kukurukura nesu kana uine mubvunzo wauinawo une chekuita neBhaibheri kana kuti kana paine zvaunoda kuziva nezveZvapupu zvaJehovha.
