Vakafa Vachararamazve Here?
Ungati . . .
-
hongu here?
-
kwete here?
-
pamwe here?
BHAIBHERI RINOMBOTII?
“Kuchava nekumuka” kwevakafa.—Mabasa 24:15, Bhaibheri—Shanduro yeNyika Itsva.
ZVARINOTAURA ZVINGAKUBATSIRA SEI?
Zvichakunyaradza kana ukafirwa.—2 VaKorinde 1:3, 4.
Hauzotyi rufu.—VaHebheru 2:15.
Uchava netariro yechokwadi yekuzoonazve hama neshamwari dzakafa.—Johani 5:28, 29.
TINGANYATSOBVUMA ZVINOTAURWA NEBHAIBHERI HERE?
Hongu. Tine zvikonzero zvitatu zvinoita kuti tidaro:
-
Mwari ndiye Musiki wezvinhu zvese zvipenyu. Bhaibheri rinoti kuna Jehovha Mwari “ndiko kunobva upenyu.” (Pisarema 36:9; Mabasa 17:24, 25) Saka haangambotadzi kuita kuti munhu akafa ave mupenyu nekuti ndiye akasika zvinhu zvese zvipenyu.
-
Mwari akambomutsa vakafa. Bhaibheri rinotaura nezvevanhu 8 vakamutswa pasi pano. Pavanhu vacho paiva nevadiki, vakuru, varume nevakadzi. Vamwe vakanga vachangobva kufa, asi mumwe akanga ava nemazuva mana ari muguva!—Johani 11:39-44.
-
Mwari anoda kumutsazve vanhu. Jehovha anovenga rufu; anorwuona semuvengi. (1 VaKorinde 15:26) Anoda zvikuru kukurira muvengi iyeye achishandisa rumuko. Akatomirira nemwoyo wese kumutsa vese vaanoyeuka kuti vararamazve pasi pano.—Jobho 14:14, 15.
ZVEKUFUNGA NEZVAZVO
Chii chinoita kuti tikwegure uye tife?
Bhaibheri rinopindura mubvunzo iwoyo pana GENESISI 3:17-19 naVAROMA 5:12.
Zvimwe Zvaunogona Kufarira
ESSENTIAL BIBLE TEACHINGS
Chii Chinoitika Kana Munhu Afa?
Bhaibheri rinoti vanhu vakafa vachazomutswa sezvakangoitwa Razaro.
MIBVUNZO YEBHAIBHERI INOPINDURWA
Zvinorevei Kuti Vakafa Vachamutswa?
Uchashamiswa pauchaziva kuti ndivanaani vachamutswa.
NHARIREYOMURINDI
Tinoziva Sei Kuti Vakafa Vachamuka?
Bhaibheri rinotipa zvikonzero zviviri zvinogutsa zvinoita kuti titende kuti vakafa vachamutswa.
NEZVEDU
Nei Uchifanira Kudzidza Bhaibheri?
Bhaibheri riri kupa mhinduro dzemibvunzo inokosha muupenyu kumamiriyoni akawanda evanhu panyika. Unodawo here kubatsirwa?
ZVINODZIDZISWA NEBHAIBHERI
Imboedza Kuita Kosi yeBhaibheri
Dzidza Bhaibheri uchibatsirwa nemumwe munhu.
