Kusuma Chikamu 12
Jesu akadzidzisa vanhu nezveUmambo hwekumatenga. Akavadzidzisawo kunyengeterera kuti zita raMwari ritsveneswe, Umambo hwake huuye uye kuti kuda kwaMwari kuitwe panyika. Kana uri mubereki, tsanangurira mwana wako kuti munyengetero iwoyo unorevei kwatiri. Jesu haana kubvumira Satani kuti aparadze kuvimbika kwake. Jesu akasarudza vaapostora vake uye ndivo vakazova nhengo dzekutanga dzeUmambo uye vane basa rinokosha. Ona kushingaira kwaiita Jesu pakunamata kwechokwadi. Jesu akaporesa vairwara, akapa vanhu zvekudya uye akatomutsa vakafa nekuti aida kubatsira vamwe. Jesu paakaita zvishamiso izvi, airatidza zvichazoitirwa vanhu neUmambo.
ZVIRI MUCHIKAMU CHINO
CHIDZIDZO 75
Dhiyabhorosi Anoedza Jesu
Dhiyabhorosi anoedza Jesu katatu. Ndeipi miedzo mitatu yaakasangana nayo? Jesu akaita sei?
CHIDZIDZO 76
Jesu Anochenesa Temberi
Nei Jesu akabudisa mhuka mutemberi uye akapidigura matafura evanhu vaichinja mari?
CHIDZIDZO 77
Mukadzi Aiva Patsime
Nei mukadzi muSamariya achishamisika kuti Jesu ari kutaura naye? Jesu anomuudza mashoko api aasina kumboudza mumwe munhu?
CHIDZIDZO 78
Jesu Anoparidza Mashoko eUmambo
Jesu anokoka vamwe vevadzidzi vake kuti vave “vabati vevanhu.” Pava paya, akadzidzisa vamwe 70 vevadzidzi vake kuparidza mashoko akanaka.
CHIDZIDZO 79
Jesu Anoita Zvishamiso Zvakawanda
Kwese kwaanoenda, vanhu vanorwara vanouya kwaari kuti vabatsirwe uye anovarapa. Anotomutsa musikana mudiki anga afa.
CHIDZIDZO 80
Jesu Anosarudza Vaapostora 12
Akavasarudza kuti vaitei? Uchiri kuyeuka mazita avo here?
CHIDZIDZO 82
Jesu Anodzidzisa Vadzidzi Vake Kunyengetera
Zvinhu zvipi zvaakaudza vadzidzi vake kuti varambe vachikumbira?
CHIDZIDZO 83
Jesu Anopa Vanhu Vakawanda Zvekudya
Chishamiso ichi chinotidzidzisei nezvaJehovha naJesu?
CHIDZIDZO 84
Jesu Anofamba Pamusoro Pemvura
Chimbofungidzira kuti vaapostora vanonzwa sei pavanoona chishamiso ichi?
CHIDZIDZO 86
Jesu Anomutsa Razaro
Jesu paanoona Mariya achichema, anobva atangawo kuchema. Asi nekukurumidza, kuchema kwavo kunochinja kuva mufaro.
