1 Mwari Ndiye Anokonzera Kuti Titambure Here?
Nei Zvichikosha Kuti Tizive Mhinduro Yacho?
Nekuti vakawanda vanopomera Mwari mhosva yekuti ndiye anokonzera kutambura.
Imbofunga Izvi
Vatungamiriri vakawanda vezvitendero vanodzidzisa kuti Mwari ndiye anoita kuti titambure. Semuenzaniso, vamwe vanoti:
-
Njodzi dzinongoitika dzega ishamhu yaMwari.
-
Vana vanofa nekuti Mwari anenge achida dzimwe ngirozi kudenga.
-
Panenge pachirwiwa hondo Mwari ane vaanenge achitsigira. Asi hondo dziri kuita kuti vanhu vatambure.
Zviri kudzidziswa nevatungamiriri vezvitendero ava ndezvechokwadi here? Mwari anobvumirana nazvo here?
DZIDZA ZVIMWE
Ona vhidhiyo inonzi Nei Uchifanira Kudzidza Bhaibheri? iri pawebsite yedu inonzi jw.org.
Zvinotaurwa neBhaibheri
Mwari haasi iye anoita kuti titambure.
Kumuti ndiye anokonzera kutambura kunopesana neunhu hwake hunotaurwa muBhaibheri.
“Nzira [dzaMwari] dzese dzakarurama. . . . Iye akarurama uye akatendeseka.”—DHEUTERONOMI 32:4.
“Hazviiti zvachose kuti Mwari wechokwadi aite zvakaipa, uye kuti Wemasimbaose atadze!”—JOBHO 34:10.
“Wemasimbaose haatsaudziri pakutonga.”—JOBHO 34:12.
Mwari anovenga zvitendero zvinodzidzisa nhema pamusoro pake.
Zvinosanganisira zvitendero zvinodzidzisa kuti Mwari ndiye anoita kuti titambure, uye vanotsigira hondo uye kurwisana.
Mwari akati: “Vaprofita vacho vari kuprofita nhema muzita rangu. Handina kuvatuma, uyewo handina kuvarayira kana kutaura navo. Vari kukuprofitirai chiratidzo chenhema . . . uye vanokuudzai zvinhu zvavanoruka mumwoyo mavo.”—JEREMIYA 14:14.
Jesu akafumura unyengeri hwezvitendero zvenhema.
“Haasi munhu wese anoti kwandiri, ‘Ishe, Ishe,’ achapinda muUmambo hwekudenga, asi uya chete anoita kuda kwaBaba vangu vari kudenga. Pazuva iroro vazhinji vachati kwandiri: ‘Ishe, Ishe, hatina here kuprofita muzita renyu, nekudzinga madhimoni muzita renyu, nekuita mabasa mazhinji esimba muzita renyu?’ Ini ndichabva ndati kwavari: ‘Handina kumbobvira ndakuzivai! Ibvai kwandiri, imi vasingateereri mutemo!’”—MATEU 7:21-23.
Zvimwe Zvaunogona Kufarira
MIBVUNZO YEBHAIBHERI INOPINDURWA
Kutambura Kwatiri Kuita Kunokonzerwa naMwari Here?
Munhu wose anogona kusangana nematambudziko kunyange vaya vanonamata Mwari. Nemhaka yei?
MIBVUNZO YEBHAIBHERI INOPINDURWA
Sei Mwari Akasiya vaJudha Vachiurayiwa nevaNazi?
Vakawanda vanobvunza kuti sei Mwari achisiya vanhu vachitambura zvakanyanya kudaro iye aine rudo. Bhaibheri rinopa mhinduro dzinogutsa panyaya iyi!
NHARIREYOMURINDI
Kutambura—NdiMwari Ari Kutiranga Here?
Mwari anoshandisa urwere kana matambudziko kuranga vanhu nekuda kwezvivi zvavo here?
