Verenga Jeremiya 38:​1-13 kuti udzidze nezveushingi hwakaratidzwa nemuprofita Jeremiya naEbhedhi-mereki, uyo aiva mukuru muimba yamambo.

Ongorora zvaiitika. Jeremiya akaratidza sei ushingi pakuparidza mashoko aJehovha? (Jer. 27:​12-14; 28:​15-17; 37:​6-10) Vanhu vakaita sei pavakanzwa mashoko aiparidzwa naJeremiya?—Jer. 37:​15, 16.

Tsvakurudza. Vanhu vaida kuti Jeremiya aite sei? (jr 26-27 20-22) Tsvaga kuti migodhi yekare yakanga yakaita sei uye kuti yaishandiswei. (w11 1/1 19) Jeremiya anofanira kunge akanzwa sei paakakandwa mumugodhi waiva nemadhaka? Ebhedhi-mereki anogona kunge aityei?—w12 5/1 31 ¶2-3.

Tsvaga zvidzidzo zvacho. Zvibvunze kuti:

• ‘Nyaya iyi inondidzidzisei nezvekudzivirira kunoita Jehovha vashumiri vake vakavimbika?’ (Pis. 97:10; Jer. 39:​15-18)

• ‘Ndepapi pandingada kuratidza ushingi?’

• ‘Zvii zvandingaita kuti ndiwedzere kuva neushingi kana zvinhu zvakaoma?’(w11 3/1 30) a