NHARIREYOMURINDI—YEKUDZIDZA October 2018
Magazini ino ine nyaya dzekudzidza dzaDecember 3-30, 2018.
1918—Makore Zana Apfuura
Hondo Yenyika I yakanga ichiri kuitika muEurope, asi zvaiitika gore iroro richangotanga zvaiita sekuti pane zvakanaka zvaizoitika kuVadzidzi veBhaibheri uye kuvanhu vese.
Kutaura Chokwadi
Nei vanhu vachinyepa, uye zvinoguma nei? Tingaita sei kuti titaurirane chokwadi?
Kudzidzisa Chokwadi
Munguva yatasarirwa nayo yekuita ushumiri hwedu, tinofanira kunyanya kukoshesa kutanga zvidzidzo zveBhaibheri uye kudzidzisa vanhu chokwadi. Bhokisi reMaturusi Ekudzidzisa ringatibatsira sei?
NYAYA YEUPENYU
Jehovha Akakomborera Chisarudzo Chandakaita
Achiri jaya, Charles Molohan akawedzera ushumiri hwake nekunyorera kunoita basa repaBheteri. Jehovha akakomborera zvese zvaakazoita.
Vimba neMutungamiriri Wedu—Kristu
Sangano raMwari zvariri kufambira mberi nekukurumidza, zvikonzero zvipi zvinoita kuti tivimbe nekutungamirira kwaKristu mazuva ano?
Ramba Uine Rugare Rwemupfungwa Zvinhu Pazvinochinja
Upenyu hwedu hukaerekana hwachinja, zvatinosangana nazvo zvinogona kuita kuti tishungurudzike. ‘Rugare rwaMwari’ rungatibatsira sei?
Waizviziva Here?
Stefani akava muKristu wekutanga akaurayirwa zvaaitenda. Akakwanisa sei kuramba akadzikama zvakadaro paaitambudzwa?
