RWIYO 137
Vakadzi Vakatendeka, Hanzvadzi dzechiKristu
-
1. Sara, Mariya, Esteri naRute
Vaiva vakadzi vakavimbika.
Vakanga vakazvipira kuna She.
Vaiva vakadzi vakatendeka.
Pane vamwewo vakafarirwa,
Vasina kunyorwa nemazita avo.
-
2. Kuvimbika, ushingi nekunaka;
Unhu hunodiwa nevanhu vese.
Ndihwo hwaiva nevakadzi ava;
Mienzaniso yatinokoshesa.
Nhasiwo hanzvadzi dzatinadzo
Dzakatendeka tinodzitevedzera.
-
3. Vanamai, mhandara, chirikadzi,
Munoshanda nechido basa renyu.
Mune mwero, munozvininipisa,
Sezvo muchifarirwa, musambotya.
Mese chengetwai naJehovha,
Nekutenda muchapiwa mubayiro.
(Onawo VaF. 4:3; 1 Tim. 2:9, 10; 1 Pet. 3:4, 5.)
