RWIYO 34
Kufamba Ndakavimbika
-
1. Nditongei henyu She Jehovha,
Ndinovimba nemi; ndakapererawo.
Ndiongororei mundiedze;
Natsai mwoyo wangu, ndikomborerwe.
(KORASI)
Asi ini, ndichatsunga kwazvo
kuramba ndichifamba ndakaperera.
-
2. Handimbogari nevanonyepa.
Handifambi nevanoshora chokwadi.
Musandiparadze pamwe navo,
Vane uori nevanoda zvekurwa.
(KORASI)
Asi ini, ndichatsunga kwazvo
kuramba ndichifamba ndakaperera.
-
3. Imba yenyu ndinonyatsoida.
Kunamatwa kwenyu, ndichakutsigira.
Atari yenyu ndotenderera,
Kuonga kwangu ndichakushevedzera.
(KORASI)
Asi ini, ndichatsunga kwazvo
kuramba ndichifamba ndakaperera.
(Onawo Pis. 25:2.)
