RAMBAI MAKAMUKA!
Mitambo yemaOlympics Inoita Kuti Vanhu Vanyatsobatana Here?—Bhaibheri Rinoti Kudii?
Panguva ichange ichiitwa mitambo yemaOlympics muna July kusvika muna August, zviri kufungidzirwa kuti vanhu vanosvika 5 bhiriyoni vachange vachiona vanhu vanobva munyika 206 vachitamba mitambo iyi. Mukuru mukuru wekomiti yemaOlympics vaThomas Bach, vakati “Mitambo iyi yatiri kuita ichabatsira kuti vanhu pasi rese vabatane. Ngatitsigirei chiitiko ichi chinokurudzira vanhu kuti vabatane pasinei nekuti tinobva kupi, tiri vedzinza ripi kana mutauro upi.”
Mitambo yemaOlympics ingakwanisa kuita kuti vanhu vabatane here? Pane here chinokwanisa kuitwa nevanhu chingaita kuti vabatane uye vagarisane murunyararo?
Mitambo iyi inokwanisa here kuita kuti vanhu vabatane?
MaOlympics egore rino anga akasiyana neemamwe makore. Mitambo iyi iri kuratidza zvinhu zvinoita kuti vanhu vatadze kubatana pamagariro uye pane zvematongerwo enyika. Nyaya dzaibatwa dzaisanganisira kodzero dzevanhu, rusarura, kusabatwa zvakanaka kunoitwa vanhu vezvimwe zvitendero uye kusabatwa zvakaenzana kunoitwa vanhu pane dzimwewo nyaya.
Mitambo yakadai semaOlympics inoita kuti vanhu vawane nguva yekumbofara vachinakidzwa nezvinhu zvakasiyana-siyana. Asi zvinoitwa ipapo zvinosimudzira mafungiro nemaitiro anoparadzanisa vanhu pane kuti vabatane vachigarisana murunyararo.
Bhaibheri rakagara rataura kuti vanhu vaizova neunhu hunoita kuti zviome kuti vagarisane murunyararo. (2 Timoti 3:1-5) Kana uchida kunzwa zvakawanda zvakaprofitwa neBhaibheri nezvazvo, verenga nyaya yakanzi “Bhaibheri Rakagara Rataura Here Unhu Hune Vanhu Mazuva Ano?”
Chii chichaita kuti vanhu vese panyika vabatane uye vagarisane murunyararo?
Bhaibheri rinotiudza kuti rugare rwechokwadi panyika yese ruchabva kupi. Rinotiudza kuti vanhu vese panyika vachatongwa nehurumende imwe chete inonzi “Umambo hwaMwari.”—Ruka 4:43; Mateu 6:10.
Mutungamiriri wehurumende iyoyo ndiJesu Kristu uye achaita kuti panyika yese pave nerunyararo. Bhaibheri rinoti:
“Vakarurama vachabudirira, uye rugare ruchawanda.”—Pisarema 72:7.
“Achanunura murombo anochemera kubatsirwa. . . Achavanunura pakudzvinyirirwa nepakurwiswa.”—Pisarema 72:12, 14.
Mazuva ano chaiwo, zvakadzidziswa naJesu zviri kubatanidza mamiriyoni evanhu munyika dzinosvika 239. Zvapupu zvaJehovha pasi rese zvinoziva chinonzi runyararo. Kana uchida kuona kuti zvii zvavari kuita kuti vagarisane zvakanaka verenga Nharireyomurindi ine musoro unoti “Kuvengana Kungapedzwa Sei?”
Zvimwe Zvaunogona Kufarira
MIBVUNZO YEBHAIBHERI INOPINDURWA
Ndingawanepi Tariro?
Pane chinhu chinogona kuita kuti uvandudze upenyu hwako iye zvino uye wova netariro yeramangwana.
ESSENTIAL BIBLE TEACHINGS
Umambo hwaMwari Chii?
Jesu paaiva panyika nyaya yaainyanya kudzidzisa vanhu ndeyeUmambo hwaMwari. Vanhu vava nemakore akawanda vachinyengetera kuti Umambo ihwohwo huuye.
DZIMWE NYAYA
Tariro Yechokwadi Yeramangwana Rakanaka
Nemhaka yei zvinhu zvinovimbiswa muBhaibheri zvakasiyana nezvinozvimbiswa nevanhu?
MIBVUNZO YEBHAIBHERI INOPINDURWA
Zvichafamba Sei Kuti Pasi Rose Pave Nerugare?
Ona kuti Mwari anovimbisa sei kuti achaunza rugare pasi rose achishandisa Umambo hwake.
DZIDZISO DZEBHAIBHERI DZINOKOSHA
Ungawanepi Mhinduro Dzemibvunzo Mikuru Muupenyu?
Une mibvunzo ine chekuita neupenyu, rufu kana ramangwana here? Mhinduro dzinogutsa dzemibvunzo iyoyo nemimwe yakawanda dzinogona kuwanika! Tinodziwana kupi?
NEZVEDU
Kumbira Kushanyirwa
Unogona kukurukura nesu kana uine mubvunzo wauinawo une chekuita neBhaibheri kana kuti kana paine zvaunoda kuziva nezveZvapupu zvaJehovha.
