10 OCTOBER, 2022
CAMEROON
Bhaibheri Rakazara reShanduro yeNyika Itsva Rakabudiswa Mumutauro wechiBassa (Cameroon)
Musi wa1 October 2022, Hama Stephen Attoh, vari muDare reBazi rekuCameroon, vakabudisa Bhaibheri repafoni reShanduro yeNyika Itsva yeMagwaro Matsvene mumutauro wechiBassa (Cameroon). Bhaibheri iri rakabudiswa papurogiramu yakanga yagara yakarekodhwa ikazotepfenyurwa kuti ruzhinji ruione. MaBhaibheri akaprindwa achange ava kuwanikwa panozosvika April 2023. Aka ndekekutanga kuti Zvapupu zvaJehovha zvishandure Bhaibheri rakazara mumutauro wemuCameroon. Muna 2019, Zvapupu zvakabudisa Bhaibheri reMagwaro echiKristu echiGiriki muchiBassa (Cameroon).
Hofisi yeshanduro yemutauro wechiBassa (Cameroon) iri muguta reDouala, Cameroon
Bhaibheri iri risati rabudiswa, kwaivawo nedzimwe shanduro dzeBhaibheri rakazara muchiBassa (Cameroon). Asi maBhaibheri aya haasi nyore kuwana uye anodhura, uyewo kakawanda kacho anoshandisa mashoko asingachanyanyi kushandiswa nevanhu. Mumwe mushanduri anoti: “Kubudiswa kweBhaibheri iri kuchaita kuti vanhu vanofarira vavewo nemaBhaibheri avo. Mashoko arimo ari nyore kunzwisisa uye anofambirana nenguva.”
Tinofara kuti hama nehanzvadzi dzedu dzinotaura chiBassa (Cameroon) dzava neShanduro yeNyika Itsva yakazara yekushandisa pakudzidza vari vega uye muushumiri pavanenge vachitsvaga vanhu vakakodzera.—Mateu 10:11..
Zvimwe Zvaunogona Kufarira
MIBVUNZO INONYANYA KUBVUNZWA
Zvapupu zvaJehovha Zvine Bhaibheri Razvo Here?
Kushandisa shanduro dzakasiyana-siyana dzeBhaibheri kunokubatsira chaizvo pakuridzidza. Zvinhu zvitatu zvakanakira kuti ushandise Shanduro yeNyika Itsva yeMagwaro Matsvene pakudzidza kwako.
MASHANDISIRWO ARI KUITWA MARI YENYU YEZVIPO
Kubudiswa Kwebhuku Rinonyanya Kukosha Kupfuura Mamwe Ese
Pane zvakawanda zvinoitwa pakushandura, kuprinda, uye kubatanidza mapeji eShanduro Yenyika Itsva.