28 FEBRUARY 2022
DEMOCRATIC REPUBLIC OF THE CONGO
Bhaibheri reMagwaro echiKristu echiGiriki Rakabudiswa Mumutauro weKipende
Musi wa20 February 2022, Bhaibheri reShanduro Yenyika Itsva yeMagwaro echiKristu echiGiriki rakabudiswa mumutauro weKipende. Hama Nicolas Hifinger vari muDare Rebazi rekuCongo (Kinshasa) vakabudisa Bhaibheri iri repafoni papurogiramu yakaita zvekurekodhwa ichibva yatepfenyurwa kuvaparidzi vanenge 10 000. MaBhaibheri akaprindwa achange ava kuwanika muna April 2022.
Nhoroondo yeZvapupu zvaJehovha zviri mundima yemutauro weKipende yakatanga kuma1960 mumwe murume anonzi Makanda Madinga Henri paakapiwa magazini yeNharireyomurindi. Pashure pekunge averenga magazini yacho, Makanda akabvuma kuti zvaitaurwa mubhuku racho chaiva chokwadi uye akatanga kuudza vamwe zvaakanga ari kudzidza. Makanda akazobhabhatidzwa seChapupu chaJehovha. Pava paya, ungano yekutanga yemutauro weKipende yakatangwa muKiefu muna 1979.
Hofisi yeshanduro iri muKikwit, anenge makiromita 500 kubva pahofisi yebazi iri muKinshasa
Bhaibheri iri richabatsira hama nehanzvadzi dzedu pavanenge vachidzidza vari vega uye pavanenge vachiita basa rekuparidza. Semuenzaniso, Hama Hifinger vakati Bhaibheri iri “rakajeka, rinotaura chokwadi,” uye “rakadzorera zita raJehovha pese paraiva muzvinyorwa zvekutanga.”
Dai Shanduro yeNyika Itsva iyi ikabatsira hama dzedu kuramba ‘vachibereka zvibereko mumabasa ese akanaka uye vachiwedzera paruzivo rwakarurama pamusoro paMwari.’—VaKorose 1:10.
Zvimwe Zvaunogona Kufarira
MIBVUNZO INONYANYA KUBVUNZWA
Zvapupu zvaJehovha Zvine Bhaibheri Razvo Here?
Kushandisa shanduro dzakasiyana-siyana dzeBhaibheri kunokubatsira chaizvo pakuridzidza. Zvinhu zvitatu zvakanakira kuti ushandise Shanduro yeNyika Itsva yeMagwaro Matsvene pakudzidza kwako.
MASHANDISIRWO ARI KUITWA MARI YENYU YEZVIPO
Kubudiswa Kwebhuku Rinonyanya Kukosha Kupfuura Mamwe Ese
Pane zvakawanda zvinoitwa pakushandura, kuprinda, uye kubatanidza mapeji eShanduro Yenyika Itsva.
MIBVUNZO INONYANYA KUBVUNZWA
Zvapupu zvaJehovha Zvinoshandisa Testamende Yekare Here?
Pane zvimwe zvikamu zveBhaibheri zvisingachashandi here? Ona kuti vaKristu vangabatsirwa sei pavanoverenga nyaya dzinokosha dzakaitika kare uye mazano anobatsira avanowana muMagwaro echiHebheru.