21 DECEMBER 2022
DEMOCRATIC REPUBLIC OF THE CONGO
Mafashamo Akauraya Vanhu kuCongo (Kinshasa)
Musi wa13 December 2022, kuCongo (Kinshasa) kwakanaya mvura yakawanda yakakonzera mafashamo uye kukukurwa kwevhu nematombo kubva mumakomo. Vanhu vanosvika 141 vakafa nekuti dzimwe nharaunda dzinogara vanhu dzakazara mvura uye zvimwe zvivakwa zvakadhirika.
Zvakaitika Kuhama Nehanzvadzi Dzedu
Zvinosuwisa kuti hama imwe chete yakafa
Muparidzi mumwe chete akakuvara
Dzimba nhatu dzakaparadzwa
Dzimba nhatu dzakakanganisika zvakanyanya
Dzimba shanu dzakakanganisika, asi kwete zvakanyanya
Imba yeUmambo imwe chete yakakanganisika, asi kwete zvakanyanya
Mabasa Ekuyamura
Vatariri vematunhu nevakuru vari kunyaradza mhuri dzakawirwa nenjodzi iyi uye vari kuvabatsira nezvavanenge vachida
MaKomiti Ekubatsira Panoitika Njodzi matatu akagadzwa kuti atungamirire basa rekuyamura vanhu
Mabasa ese ekuyamura vanhu ari kuitwa pachitevedzerwa mirayiridzo ine chekuita nekuzvidzivirira pachirwere cheCOVID-19
Tinotarisira nguva yava pedyo kusvika iyo Jesu Kristu achadzora mamiriro ekunze panyika, zvoita kuti pave nekudzikama kukuru panyika uye vanhu vararame vasina chekutya.—Mateu 8:25-27.
Zvimwe Zvaunogona Kufarira
MIBVUNZO INONYANYA KUBVUNZWA
Zvapupu zvaJehovha zvinobatsira vanenge vawirwa nenjodzi here?
Ona kuti tinobatsira sei vanenge vawirwa nenjodzi kusanganisira vatisinganamati navo.