Musi wa21 November 2022, muguta weCianjur riri muWest Java makaitika kudengenyeka kwenyika kwakauraya vanhu vanopfuura 260 uye mazana evanhu akakuvara. Kune vanhu vakawanda vasiri kuzivikanwa kuti vari kupi uye zviuru zvevanhu zvaitofanira kusiya misha yazvo.

• Hapana hama kana hanzvadzi yedu yakafa uye vaparidzi vese 132 vemunharaunda yakaitika kudengenyeka uku vari kuzivikanwa kuti vari kupi

• Dzimba shanu dzakakanganisika, asi kwete zvakanyanya

• Hapana Dzimba dzeUmambo kana Dzemagungano dzakakanganisika

• Pakaitwa urongwa hwekuti pave nevaparidzi vanobatsira vakwegura kana pakaitika kumwe kudengenyeka kwenyika

• Pakagadzwa Komiti Yekubatsira Panoitika Njodzi kuti ibatsire ungano

• Vatariri vematunhu vari kushanyira ungano dzakawirwa nenjodzi kuti vakurudzire hama uye vadzibatsire pane zvekunamata

• Mabasa ese ekuyamura ari kuitwa pachitevedzerwa mitemo ine chekuita nekuzvidzivirira paCOVID-19

Tine chokwadi chekuti Jehovha achanyaradza hama dzedu panguva iyi yakaoma.—Pisarema 50:15.