2 MARCH 2022
MEXICO
Shanduro yeNyika Itsva yeMagwaro echiKristu echiGiriki Yakabudiswa Mumutauro weTlapanec
Musi wa27 February 2022, Hama Carlos Cázares, vari muDare Rebazi rekuCentral America vakabudisa Bhaibheri repafoni reShanduro yeNyika Itsva yeMagwaro echiKristu echiGiriki mumutauro wechiTlapanec. MaBhaibheri akaprindwa achange ava kuwanikwa pachazopera gore rino. Purogiramu yacho, iyo yakanga yagara yakarekodhwa, yakatepfenyurwa kuvanhu vanoda kusvika 820.
Basa racho rekushandura rakatanga muna July 2020, chirwere cheCOVID-19 chatotanga. Mumwe mushanduri akati: “Kunyange zvazvo takasangana nematambudziko akawanda, . . . takafara patakakwanisa kupedza basa racho rese mugore nehafu. Jehovha akaita kuti zvikurumidze.”
Hofisi yeshanduro yemutauro weTlapanec iri muguta reTlapa, kuGuerrero, muMexico. Vashanduri vanoshandisa nhurikidzwa nhatu dzepamusoro dzechivakwa ichi
Shanduro iyi itsva inoshandisa mashoko anonyatsonzwisiswa nevaverengi vemazuva ano. Semuenzaniso, pana Mateu 5:3, shanduro dzekare dzaiti: “Vachafara vaya vanoziva kuti havana chavanokwanisa kuita kunze kwekunge vabatsirwa nemweya mutsvene,” kana kuti “Vanofara vaya vasina simba.” Asi Shanduro yeNyika Itsva yeMagwaro echiKristu echiGiriki, inoti: “Vanofara vaya vanoziva kuti vanofanira kutsvaga Mwari.”
Shanduro iyi itsva ichabatsira vaparidzi kuti vawedzere kubudirira muushumiri. Muhurukuro yavo, Hama Cázares vakati: “Mwari wemasimbaose anoda kuti vanhu vanzwe mashoko akanaka mumutauro wavo wavanotaura mazuva ese, kwete mumutauro wavasinganyatsonzwisisi.”
Tinofara pamwe chete nehama nehanzvadzi dzedu dzinotaura mutauro wechiTlapanec nemhaka yeshanduro iyi uye tinofara kushumira Jehovha ‘takabatana navo.’—Zefaniya 3:9.
Zvimwe Zvaunogona Kufarira
MIBVUNZO INONYANYA KUBVUNZWA
Zvapupu zvaJehovha Zvine Bhaibheri Razvo Here?
Kushandisa shanduro dzakasiyana-siyana dzeBhaibheri kunokubatsira chaizvo pakuridzidza. Zvinhu zvitatu zvakanakira kuti ushandise Shanduro yeNyika Itsva yeMagwaro Matsvene pakudzidza kwako.
MASHANDISIRWO ARI KUITWA MARI YENYU YEZVIPO
Kubudiswa Kwebhuku Rinonyanya Kukosha Kupfuura Mamwe Ese
Pane zvakawanda zvinoitwa pakushandura, kuprinda, uye kubatanidza mapeji eShanduro Yenyika Itsva.
MIBVUNZO INONYANYA KUBVUNZWA
Zvapupu zvaJehovha Zvinoshandisa Testamende Yekare Here?
Pane zvimwe zvikamu zveBhaibheri zvisingachashandi here? Ona kuti vaKristu vangabatsirwa sei pavanoverenga nyaya dzinokosha dzakaitika kare uye mazano anobatsira avanowana muMagwaro echiHebheru.