6 OCTOBER 2022
MOZAMBIQUE
Bhaibheri reShanduro yeNyika Itsva Rakabudiswa Mumutauro wechiSena
Musi wa2 October 2022, hama David Amorim, avo vari muDare Rebazi rekuMozambique, vakabudisa Shanduro yeNyika Itsva mumutauro wechiSena. a Bhaibheri iri rakabudiswa papurogiramu yanga yagara yakarekodhwa kare uye vaparidzi vakawanda vakaionera paDzimba dzavo dzeUmambo. Purogiramu yacho yakatepfenyurwawo panhepfenyuro huru yeTV yemunyika yacho uyewo panhepfenyuro 14 dzeredhiyo.
Mutauro wechiSena unotaurwa mumatunhu 4 ekuMozambique anoti: Manica, Sofala, Tete, uye Zambezia. ChiSena chinotaurwawo mune dzimwe nharaunda dziri muMalawi.
Hofisi yekushandura yechiSena, muBeira kuMozambique
Aka ndiko kekutanga kuti Zvapupu zvaJehovha zvibudise Bhaibheri rakazara reShanduro yeNyika Itsva mumutauro wevanhu vemuMozambique. Bhaibheri iri risati rabudiswa, muMozambique maiva nezvikamu zveBhaibheri rechiSena asi zvinodhura uye zvinoshandisa mashoko ekare asinganzwisiswe nevanhu.
Tinofara chaizvo kuti hama nehanzvadzi dzedu dzinotaura chiSena dzakawana chipo ichi chinobva kuna Jehovha.—Zvirevo 10:22.
a Bhaibheri racho rakaprindwa uye rinowanikawo pafoni.
Zvimwe Zvaunogona Kufarira
MIBVUNZO INONYANYA KUBVUNZWA
Zvapupu zvaJehovha Zvine Bhaibheri Razvo Here?
Kushandisa shanduro dzakasiyana-siyana dzeBhaibheri kunokubatsira chaizvo pakuridzidza. Zvinhu zvitatu zvakanakira kuti ushandise Shanduro yeNyika Itsva yeMagwaro Matsvene pakudzidza kwako.
MASHANDISIRWO ARI KUITWA MARI YENYU YEZVIPO
Kubudiswa Kwebhuku Rinonyanya Kukosha Kupfuura Mamwe Ese
Pane zvakawanda zvinoitwa pakushandura, kuprinda, uye kubatanidza mapeji eShanduro Yenyika Itsva.