Musi wa30 November 2022, dare reArmyanskiy City Court of the Republic of Crimea rakati Hama Aleksandr Dubovenko naHama Aleksandr Litvinyuk vane mhosva. Vakatongerwa makore 6 mujeri uye vakabva vatoenda kunovharirwa.

Tinonyaradzwa nekuziva kuti Jehovha anogara ainesu pese patinosangana nemiedzo, pasinei nekuti tiri kupi.—Pisarema 139:7-12.

1. 2 August 2021

   Hama idzi dzakatanga kupomerwa mhosva yekuita mabasa esangano rinonzi rinopandukira hurumende vachiita zvekuonana pamavhidhiyo

2. 5 August 2021

   Dzimba dzemhuri 8 dzeZvapupu zvaJehovha, kusanganisira imba yekwaDubovenko neyekwaLitvinyuk dzakasechwa. Hama Litvinyuk vakabva vasungwa vachibva vambonovharirwa

3. 6 August 2021

   Hama Litvinyuk vakabudiswa asi vakabva varambidzwa kubva pamba

4. 9 August 2021

   Mapurisa akasecha zvakare imba yekwaDubovenko. Hama Dubovenko vakabva vabvunzurudzwa vachibva varambidzwa kubva pamba

5. 11 August 2021

   Hama Litvinyuk vakapomerwa mhosva yekuronga mabasa esangano rinonzi rinopandukira hurumende

6. 8 February 2022

   Hama Dubovenko vakapomerwa mhosva yekuronga mabasa esangano rinonzi rinopandukira hurumende

7. 29 April 2022

   Nyaya yakatanga kupinda mudare. Mutongi akaramba chikumbiro chaHama Litvinyuk chekuti vaende kwachiremba uye varapwe pavainge vasingabvumidzwi kubva pamba

8. 8 September 2022

   Hama idzi mbiri dzakabvumidzwa kubva pamba kubva na7 mangwanani kusvika na7 manheru.

9. 30 November 2022

   Hama dzacho mbiri dzakatongerwa makore 6 mujeri