Musi wa16 February 2022, dare reKerch City Court of the Republic of Crimea rakati hama Artem Shabliy vane mhosva richibva ravatongera makore maviri mujeri asi makore acho akabva asendekwa padivi. Havasi kufanira havo kuenda kujeri pari zvino.

1. 26 May 2020

   Mapurisa akangoerekana asvika pamba pahama Shabliy uye padzimba 4 dzeZvapupu zvaJehovha kuCrimea. Mapurisa aya paakauya akapwanya hwindo uye mwanakomana wahama Shabliy ane makore 4 akachekwa makumbo nemagirazi. Pashure pekunge vaita maawa 3 vachisecha, hama Shabliy vakabva vasungwa vakavharirwa mujeri mukamuri ravo vega kwemazuva matatu

2. 9 June 2020

   Artem akakumbira dare reKerch City Court kuti rimuratidze mapepa ane mhosva yaari kupomerwa. Akarambirwa kunyange zvazvo mutemo uchiti anofanira kuratidzwa

3. 24 May 2021

   Nyaya yacho yakapinda mudare. Hama nehanzvadzi dzakauya kudare kuti dzikurudzire Artem, asi vakarambidzwa kupinda mukati

Jehovha anotsigira vashumiri vake vakavimbika sezvaari kuita kuna hama Shabliy. Tine chokwadi chekuti acharamba ari ibwe, nhare uye nzvimbo yekupotera kuhama nehanzvadzi dzedu dziri kuCrimea nekuRussia.—Pisarema 18:2.