14 OCTOBER 2022
NHAU DZEPASI RESE
Shanduro yeNyika Itsva Yakadzokororwa Yakabudiswa Mumutauro wechiSamoan
Musi wa9 October 2022, Shanduro yeNyika Itsva yeMagwaro Matsvene yakadzokororwa yakabudiswa mumutauro wechiSamoan. Hama Geoffrey Jackson, vari muDare Rinotungamirira vakabudisa Bhaibheri iri muhurukuro yakanga yagara yakarekodhwa, ikazoonekwa nevaparidzi muAmerican Samoa, Australia, New Zealand, nemuSamoa. Hurukuro yacho ichingopera, vanhu vakabva vatopiwa maBhaibheri akaprindwa uye vakanga vava kukwanisa kudhaunirodha epafoni.
Zvapupu zvaJehovha zvakatanga kuparidza muSamoa muna 1931, uye ungano yekutanga yakaumbwa muguta reApia muna 1953. Shanduro yeNyika Itsva yakatanga kubudiswa mumutauro wechiSamoan muna 2009. Zvapupu zvaJehovha nevamwewo vakafara chaizvo pavakawana shanduro iyi yakarurama uye iri nyore kuwana.
Hofisi yekushandura iri munharaunda yeSiusega, muSamoa
MuBhaibheri iri idzva rakadzokororwa, vashanduri vakashandura zvakarurama uye vakashandisa mutauro unoshandiswa nevanhu mazuva ano uye uri nyore kuverenga. Mumwe mushanduri akati: “Vanhu vechiSamoa vanoremekedza chaizvo Bhaibheri. Saka vashanduri vakashandisa mutauro uri nyore kunzwisisa asi unoremekedzeka. Tichibatsirwa naJehovha, tava neBhaibheri rakadzokororwa mumutauro wechiSamoan richatibatsira tese zvedu.”
Tine chokwadi chekuti Bhaibheri iri richaita kuti vanhu vawedzere kubatsirwa nekuverenga pfungwa dzaMwari wedu, Jehovha dziri muShoko rake.—Pisarema 139:17.
Zvimwe Zvaunogona Kufarira
MIBVUNZO INONYANYA KUBVUNZWA
Zvapupu zvaJehovha Zvine Bhaibheri Razvo Here?
Kushandisa shanduro dzakasiyana-siyana dzeBhaibheri kunokubatsira chaizvo pakuridzidza. Zvinhu zvitatu zvakanakira kuti ushandise Shanduro yeNyika Itsva yeMagwaro Matsvene pakudzidza kwako.
MASHANDISIRWO ARI KUITWA MARI YENYU YEZVIPO
Kubudiswa Kwebhuku Rinonyanya Kukosha Kupfuura Mamwe Ese
Pane zvakawanda zvinoitwa pakushandura, kuprinda, uye kubatanidza mapeji eShanduro Yenyika Itsva.