Musi wa20 June 2023, dare reTaganrog City Court of the Rostov Region rakati Hama Aleksandr Skvortsov naHama Valeriy Tibiy vane mhosva. Aleksandr akatongerwa kugara mujeri kwemakore 7. Akanga akavharirwa mujeri kubva musi wa7 December 2021 uye acharamba arimo. Valeriy akatongerwa kugara mujeri kwemakore 6, asi mutongo wacho wakambosendekwa padivi. Akanga akavharirwa mujeri kubva musi wa18 May 2022 saka akabva abudiswa.

Tinotenda Jehovha nekutida uye kutitungamirira kwaanoita, izvo zvinoita kuti tikwanise kutsungirira chero dambudziko ratingasangana naro.—Pisarema 5:12.

1. 20 March 2021

   Imba yaHama naHanzvadzi Skvortsov yakasechwa

2. 7 December 2021

   Imba yaHama naHanzvadzi Skvortsov yakasechwa zvakare uyewo dzimba 29 dzezvimwe Zvapupu zvaJehovha zvemuTaganrog dzakasechwawo. Hama Skvortsov vakabva vapomerwa mhosva uye vakabva vanovharirwa

3. 8 December 2021

   Hama Aleksandr Skvortsov vakaiswa mujeri vachimirira kuti nyaya yavo itongwe

4. 29 March 2022

   Hama Valeriy vanopomerwa mhosva

5. 31 March 2022

   Vanhu vaiongorora hama idzi vakabatanidza nyaya yaHama Aleksandr neyaHama Valeriy

6. 18 May 2022

   Hama Valeriy vakasungwa vachibva vavharirwa vakamirira kuti nyaya yavo itongwe

7. 26 May 2022

   Hama Valeriy vakavharirwa vachimirira kuti nyaya yavo itongwe

8. 6 December 2022

   Nyaya yacho inotanga kupinda mudare

9. 20 June 2023

   Hama Aleksandr vakatongerwa makore 7 mujeri. Hama Valeriy vakatongerwa makore 6 asi akambosendekwa padivi.