Musi wa21 November 2022, Dare reAsha City Court of the Chelyabinsk Region rakati Hama Andrey Perminov vane mhosva uye rakavatongera kugara mujeri kwemakore 6 asi mutongo wavo wakambosendekwa padivi. Havasati vava kufanira kuenda kujeri pari zvino.

1. 11 June 2021

   Mapurisa akasecha dzimba 5 dzeZvapupu zvinogara muguta reAsha nereMinyar, kusanganisira imba yaAndrey. Mapurisa akavatorera zvinhu zvavo zvakawanda

2. 10 November 2021

   Andrey akarambidzwa kuita nzendo

3. 27 April 2022

   Akapomerwa mhosva yekubatana nesangano revanhu vanopandukira hurumende uye zita rake rakanyorwa pamazita evanhu vanokonzera mhirizhonga

4. 6 June 2022

   Nyaya inotanga kutongwa mudare

Kungofanana naAndrey, kufunga nezvekutsigira kwakaita Jehovha vashumiri vake vekare kunogona kutipa ushingi. Tinonyatsovimba nevimbiso yaMwari yekuti: “Ndichakusimudza, ndichakutakura uye ndichakununura, sezvandakaita.”—Isaya 46:4.