3 FEBRUARY 2022 | NYAYA IYI PAYAVA: 20 JULY 2023
RUSSIA
NYAYA IYI PAYAVA—HAMA YEDU YAKABUDISWA MUJERI | Kuverenga Bhaibheri Uye Kufungisisa Kuri Kubatsira Hama Aleksey Ukhov Kuti Vavimbe naJehovha
Musi wa18 July 2023, dare reKhabarovsk Territory Court rakachinja mutongo wakanga wapiwa Hama Aleksey wekugara mujeri kwemakore 6 nehafu. Rakaita kuti mutongo wacho usendekwe padivi. Vakabva vabudiswa mujeri pashure pekunge mutongo uyu wapiwa.
Musi wa24 March 2023, dare reSovetsko-Gavansky City Court rekuKhabarovsk Territory rakati Hama Aleksey vane mhosva richibva ravapa mutongo wekugara mujeri kwemakore 6 nehafu. Vakabva vatonovharirwa vachibva mudare.
Zvinhu Zvakaitika
22 October 2020
Mapurisa eFSB akasecha musha wahama nahanzvadzi Ukhov. Vakavatorerwa mafoni, maflash, maSIM card, makadhi ekubhengi, mapepa anokosha uye mabhuku akaprindwa. Vaiongorora nyaya yacho vakaisa Aleksey mujeri
23 October 2020
Dare rakati amboiswa mujeri achimirira kuti nyaya yake itongwe
9 July 2021
Akasunungurwa achibva arambidzwa kubuda munharaunda yeKomsomolsk-on-Amur maainge asungirwa
6 September 2021
Nyaya yake inopinda mudare
Nhoroondo Yeupenyu
Tinoziva kuti Jehovha acharamba achikomborera Aleksey nekuti “akazviisa mumaoko euya anotonga zvakarurama.”—1 Petro 2:23.