Musi wa7 August 2023, dare reYugorskiy District Court of the Khanty-Mansi Autonomous Area—Yugra rakati Hama Andrey Zhukov havana mhosva panyaya dzese dzavaipomerwa.

1. 17 August 2020

   Andrey akapomerwa mhosva yekuitisa misangano yakabhanwa nehurumende

2. 19 August 2020

   Mapurisa akapinda zvechisimba mudzimba 9 dzeZvapupu zvaJehovha, kusanganisirawo yaAndrey. Andrey akabva aiswa mujeri achimirira kuti nyaya yake izotongwa

3. 20 August 2020

   Akasunungurwa asi ane mitemo yaakanzi anofanira kutevedzera

4. 14 January 2021

   Zita rake rakanyorwa pane mazita evanhu vanopandukira hurumende uye akarambidzwa kushandisa mari iri muakaundi yake yekubhengi

5. 4 August 2021

   Andrey akapomerwa dzimwe mhosva dzinosanganisira “kunyengetera kuna Jehovha Mwari, kuungana nevamwe vachiita zvekunamata uye kudzidza zvinhu zvechitendero.” Pashure peizvi akabva abvunzurudzwa

6. 15 October 2021

   Zvikumbiro zvakaitwa kuti nyaya yacho ipere zvakarambwa

7. 29 December 2021

   Nyaya yakapinda mudare

Kutsigira kuri kuita Jehovha Andrey nedzimwe hama nehanzvadzi dzedu dzese dziri kutsungirira kupikiswa ‘chiratidzo chekunaka kwake’ uye chekuti ndiye ‘mubatsiri nemunyaradzi.’—Pisarema 86:17.