12 SEPTEMBER 2022 | NYAYA IYI PAYAVA: 13 JUNE 2023
RUSSIA

NYAYA IYI PAYAVA—HAMA YEDU YAKANZI INE MHOSVA | Aleksandr Shutov Ari Kuramba Achivimba naJehovha

PLAY

Musi wa9 June 2023, dare reLazo District Court of the Khabarovsk Territory rakati Hama Aleksandr Shutov vane mhosva. Rakavapa mutongo wemakore maviri nemwedzi mishanu asi mutongo wacho wakambosendekwa padivi. Havasati vava kufanira kuenda kujeri pari zvino.

Zvinhu Zvakaitika

26 July 2021

Anopomerwa mhosva
30 July 2021

Imba yavo inosechwa. Hama Aleksandr vakasungwa, vakabvunzurudzwa, vachibva vasunungurwa asi vakarambidzwa kuita nzendo
3 August 2021

Zita ravo ranyorwa pamazita evanhu vanopandukira hurumende.
28 April 2022

Nyaya inopinda mudare

Nhoroondo Yeupenyu

Aleksandr Shutov

Akaberekwa: 1952 (Pionerskiy, Irkutsk Region)

Upenyu Hwake: Akatanga kushanda papurazi aine makore 15. Iye zvino ava pamudyandigere

Akachata naRosa muna 1973. Vane vana 4, vazukuru 11, uye vazukuruchibvi 3

Amai vake vakadzidza chokwadi kubva kuZvapupu zvaJehovha zvakanga zvaendeswa kuSiberia. Akabhabhatidzwa muna 1975. Akambovharirwa mujeri kwegore rimwe chete muna 1976 nekuti akaramba kupinda muchiuto

Zvaakataura

Mungatiudzawo here chimwe chezvinhu zvamakadzidza pamaiva mujeri muna 1976?

Ndichiri kuyeuka zvinhu zvakaitika pandaiendeswa kujeri. Mumwe mupurisa eKGB akati: “Rwendo rwacho rwakati rebei, kana uchida tinogona kumbokurukura.” Pashure pekunge ndapindura mibvunzo yese yaaiva nayo, akati: “Ndiri kunyatsoona kuti wakanyatsogadzikana. Zvinoita sekuti ndiri kukuendesa kumba kwete kujeri.” Ndakaona kuti kana ukanyatsovimba naJehovha uine kutenda kwakazara, womukumbira kuti akubatsire, uchanzwa wakagadzikana. Zvinoita sekuti hapana kana chakaipa chinenge chichitomboitika. Pane zviri kuitika iye zvino, ndinofanira kuramba ndichivimba naJehovha uye ndichimukumbira kuti anditungamirire.

Kutambudzwa zvakuri kuwedzera, dai tese tikasimbisa kutenda kwedu, totsunga ‘kuvimba nerudo rwaMwari rusingachinji, nariini nariini.’—Pisarema 52:8.

NHAU DZAKABUDISWA