Musi wa24 January, 2023, dare reKuznetskiy District Court of Novokuznetsk, Kemerovo Region, rakati Hama Sergey Sushilnikov vane mhosva uye rakavatongera kugara mujeri kwemakore 6, asi makore acho akambosendekwa. Havasati vava kufanira kuenda kujeri pari zvino.

1. November 2019

   Mapurisa akatanga kuteerera zvaitaurwa naSergey paanenge ari pafoni uye kurekodha zvaiitika pamba pake

2. 3 June 2021

   Sergey akapomerwa mhosva

3. 8 June 2021

   Imba yavo yakasechwa uye iye nemudzimai wake vakatorwa kuti vanobvunzurudzwa

4. 15 July 2021

   Zita rake rakanyorwa nehurumende kuti mumwe wevanhu vanoisa upenyu hwevanhu pangozi uye akanga asisabvumidzwe kutora mari yake mubhengi

5. 8 February 2022

   Anopomerwa mhosva yekuronga uye kutsigira mabasa anoitwa nesangano rinopandukira hurumende. Anorambidzwa kuita nzendo

6. 30 March 2022

   Nyaya yake inopinda mudare

Zvinonyaradza kuziva kuti Jehovha haasi kuzorega kubatsira vashumiri vake ‘munguva dzekutambudzika.’—Pisarema 46:1.