Musi wa20 June 2023, dare reCentral District Court of Sochi rakati Hama  Danil Suvorov vane mhosva richibva ravapa mutongo wekugara mujeri kwemakore 6. Hama Danil vanga vari mujeri kubva musi wa18 August 2021 uye vacharamba vakasungwa.

Zvinotikurudzira kuziva kuti kana tikaita zvese zvatinogona kuti tirambe tichishumira Jehovha toramba tiri pedyo naye, tichakwanisa kuramba tichifara pasinei nematambudziko atinosangana nawo.—Pisarema 16:11.

1. 13 August 2021

   Hama Suvorov vakatanga kupomerwa mhosva zvichibva pauchapupu hwakapiwa nemumwe munhu aishanda nemapurisa ainyepedzera kufarira kudzidza Bhaibheri

2. 18 August 2021

   Imba yavo yakasechwa. Vakasungwa vakanovharirwa kumapurisa

3. 19 August 2021

   Vakaendeswa kujeri vakanovharirwa vachimirira kutongwa

4. 29 April 2022

   Vakanzi vane mhosva yekuronga kuita mabasa anoitwa nesangano rinonzi rinopandukira hurumende uye yekutsvagawo vamwe kuti vabatane nesangano racho

5. 10 June 2022

   Nyaya yavo yakatanga kutongwa mudare