2 FEBRUARY 2022
RUSSIA

NYAYA IYI PAYAVA | Kugara Vakabatikana Kuri Kubatsira Hama Andrey Vlasov Kuti Varambe Vachifara

PLAY

Musi wa26 July 2022, dare reKemerovo Regional Court rakaramba chikumbiro chahama Andrey Vlasov chekuti nyaya yavo idzokere mudare. Vachiri mujeri.

Musi wa23 May 2022, dare reCentral District Court of the City of Prokopyevsk rakati hama Andrey vane mhosva richibva ravatongera kugara mujeri kwemakore 7. Vachabva vatotanga kupika makore acho.

Zvinhu Zvakaitika

2 July 2020

Hama Andrey vakatanga kupomerwa mhosva yekuronga mabasa esangano rinokurudzira kupandukira hurumende
12 July 2020

Mapurisa eFSB akasecha kumba uye kubasa kwahama Andrey. Vakavatorera mafoni, makombiyuta uye maBhaibheri. Vakabva vanovavharira uye vaongorori venyaya yacho vakatanga kubvunzurudza mudzimai wavo, Nataliya
14 July 2020

Vakabudiswa kwavakanga vakavharirwa uye vakarambidzwa kubva pamba
9 June 2021

Nyaya yavo inopinda mudare

Nhoroondo yeupenyu

Andrey Vlasov

Akaberekwa: 1968 (Prokopyevsk, Kemerovo Region)

Upenyu hwake: Anofarira kudhirowa uye mimhanzi. Aiita basa rekutora mapikicha

Akadzidziswa Bhaibheri nemunin’ina wake. Akabhabhatidzwa seChapupu chaJehovha muna 1991. Akachata nemudzimai wake naNataliya, muna 2003

Zvaakataura

Chii chiri kukubatsirai kuti murambe muchifara?

Ndinogara ndakabatikana nezvinhu zvakasiyana-siyana. Ndinoverenga Bhaibheri, kugadzirira misangano, kuona mavhidhiyo anobudiswa nesangano redu, kudhirowa, uye kuteerera mabhuku akarekodhwa. Ndinoitawo mabasa epamba, kutamba chess, kusona, uye kutamba mitambo inoita kuti ndifunge.

Hama nehanzvadzi dzenyu dzechiKristu dziri kukukurudzirai sei?

Ndinokurudzirwa chaizvo hama nehanzvadzi padzinondiudza kuti dziri kundinyengeterera, kuti muenzaniso wangu wekutenda uri kuvasimbisa uye kuti dzinodawo kuramba dzakavimbika kuna Jehovha.

Mavhesi api eBhaibheri amava kunyanya kufarira uye akakubatsirai sei?

Rugwaro rwa1 Petro 4:12-14 rwakabatsira ini nemudzimai wangu kuti titsungirire imba yedu payaisechwa nemapurisa, pataibvunzurudzwa uye patakaenda kudare kakawanda. . . . Takanyora mavhesi acho pasi tichibva tamaisa patinogara tichiaona. Pandinenge ndisingabvumidzwi kubva pamba, ini nemudzimai wangu tinofungisisa mashoko iwayo uye anobva atiyeuchidza kuti Jehovha haazombofi akatisiya. Pandaiva ndakavharirwa ndichimirira kuti nyaya yangu itongwe, rugwaro rwaIsaya 40:10-13 rwakandisimbisa. Ndainzwa ndakadzikama uye izvozvo zvakandibatsira kuti ndisanetseke uye zvakanyaradza mwoyo wangu.

Chikomborero chaicho kushanda pamwe chete nevanhu vakaita saAndrey nedzimwe hama nehanzvadzi dzedu dziri kuRussia neCrimea avo vari kuramba vachifara uye vakatendeka kuna Jehovha.—2 VaKorinde 1:24

NHAU DZAKABUDISWA