13 JANUARY 2022
RUSSIA
NYAYA IYI PAYAVA | Kuvimba naJehovha Kuri Kubatsira Hama Yevstigneev Kuramba Vakatendeka
Musi wa1 August 2022 dare reNizhny Novgorod Regional Court rakaramba chikumbiro chaHama Kirill Yevstigneev. Havasi kufanira havo kuenda pajeri pari zvino.
Musi wa12 May 2022, dare reLeninskiy District Court of the City of Nizhny Novgorod rakati Hama Kirill vane mhosva richibva ravatongera makore matatu asi akambosendekwa padivi.
Zvinhu Zvakaitika
8 October 2021
Nyaya yavo yakapinda mudare. Pavaiva mudare, Hama Kirill vakataura kuti chinangwa chekuungana kwavo chaiva chekutandara kwete kuita zvechitendero
24 August 2021
Hama Kirill vakarambidzwa kuita nzendo
2 September 2020
Hama Kirill vakapomerwa mhosva “yekutsigira nemari mabasa anopandukira hurumende” nekuti ndivo vakahaya imba yavakashandisa
11 July 2019
Mapurisa akabva ati nanga-nanga naHama Kirill nekuti ndivo vakasaina bepa rechibvumirano chekuhaya imba yavakanga vakaunganira
4 June 2019
Hama dzakatanga kuongororwa nemhaka yekuti dzakanga dzakaungana
April 2019
Hama Kirill nezvimwe Zvapupu zvaJehovha zvemuNizhny Novgorod vakahaya imba yekuungana vachitandara
Nhoroondo Yeupenyu
Ushingi huri kuratidzwa naHama Kirill, mudzimai wavo, uyewo nehama nehanzvadzi dzakatendeka dziri kutambudzwa muRussia nemuCrimea hunoita kuti tiwedzere kuvimba naJehovha.—VaFiripi 1:13, 14.