DECEMBER 23, 2021 | NYAYA IYI PAYAVA: AUGUST 29, 2023
RUSSIA
NYAYA IYI PAYAVA—MURUME NEMUDZIMAI VAKANZI VANE MHOSVA | Zvinhu Zvatinopiwa naJehovha Zviri Kubatsira Mhuri yekwaPostnikov Kuti Isanyanya Kunetseka
Musi wa23 August 2023, dare reBirobidzhanskiy District Court of the Jewish Autonomous Region rakati Hama Oleg Postnikov naHanzvadzi Agnessa Postnikova vane mhosva. Hama Postnikov vakapiwa mutongo wekugara mujeri kwemakore 5 nehafu uye Hanzvadzi Postinikova vakapiwa makore 4 nehafu. Mitongo yavo vari vaviri yakambosendekwa padivi. Havasati vava kufanira kuenda kujeri pari zvino.
Musi wa11 October 2022, dare reJewish Autonomous Region rakati mutongo wakapiwa Hama Oleg Postnikov naHanzvadzi Agnessa Postnikova hauchashandi. Nyaya yacho ichadzoka zvakare mudare.
Musi wa25 April 2022 dare reBirobidzhanskiy District Court of the Jewish Autonomous Region rakati Hama Oleg naHanzvadzi Agnessa vane mhosva. Hama Oleg vakapiwa mutongo wekugara mujeri kwemakore 5 nehafu uye Hanzvadzi Agnessa vakapiwa makore 5. Havasati vava kufanira kuenda kujeri pari zvino
Zvinhu Zvakaitika
12 February 2021
Mapurisa eFSB akapomera Agnessa mhosva. Mhuri yekwaPostnikov yakapomerwa mhosva yekutanga boka “risingabvumidzwi nemutemo” uye kuudza vamwe nezvezvinangwa zvaro “zvekupandukira hurumende.” Oleg naAgnessa vakarambidzwa kubuda munharaunda yavanogara, vari kurambidzwa kutora mari yavo mubhengi uye mazita avo akaiswa pakati pemazita evanhu vanonzi vanopandukira hurumende muRussia
12 February 2020
Mapurisa eFSB akapomera Oleg mhosva
Nhoroondo Yeupenyu
Zviri kuitika kumhuri yekwaPostnikov zvinonyatsoratidza kuti Jehovha ari kubatsira vanhu vake kuramba vakatendeka pasinei nemiedzo yakasiyana-siyana yavanosangana nayo. Dai tikaramba tichivimba ‘nerudo rwaJehovha rusingachinji uye kutendeka kwake.’—Pisarema 115:1.