Musi wa17 March 2023, dare reSosnovoborsk City Court of the Krasnoyarsk Territory rakati Hama Yuriy Yakovlev vane mhosva richibva ravatongera kugara mujeri kwemakore 6 nemwedzi miviri. Vakanga vakavharirwa mujeri kubva muna March 2022 uye nanhasi vachakavharirwa.

1. June-December 2021

   Mapurisa aigara achiteerera zvaitaurwa naYuriy paanenge ari pafoni uye vaigara vachiongorora zvaaiita

2. 28 March 2022

   Akapomerwa mhosva yekuronga misangano yesangano rinopandukira hurumende yaiitwa pachishandiswa indaneti. Vanoongorora nyaya yacho vakasecha imba yaYuriy vasina mapepa anoratidza kuti vane mvumo yekusecha

3. 29 March 2022

   Mapurisa akasecha dzimba 5 dzezvimwe Zvapupu zvaJehovha uye imba yemumwe murume akambokurukura zvinotaurwa neBhaibheri naYuriy. Yuriy akasungwa achibva ambovharirwa

4. 30 March 2022

   Akavharirwa mujeri rinoiswa vanhu vanenge vakamirira kuti nyaya dzavo dzitongwe

5. 20 June 2022

   Nyaya yake inopinda mudare

Tine chivimbo chekuti Jehovha acharamba achitsigira uye achipa simba vashumiri vake vakatendeka sezvavanoramba vachivimba naye.—Isaya 40:31.