Musi wa26 April 2023, dare reLeninskiy District Court of Nizhny Novgorod rakati Hama Oleg Konshin, Sergey Malyanov, Roman Zhivolupov a naHanzvadzi Svetlana Malyanova, uyo ari mwanasikana waHamaSergey, vane mhosva. Rakabva ravati vabhadhare mafaindi anotangira pa450,000 rubles (US$5 494 ) kusvika ku700,000 rubles (US$8 546).

Zviri kuitika kuhama nehanzvadzi dzedu zvekuramba vakavimbika kuna Jehovha pasinei nekutambudzwa, chiratidzo chekuti vaya ‘vanotarisira kuna Jehovha’ vacharamba vaine ‘ushingi uye vaine mwoyo wakasimba.’—Pisarema 27:14.

1. 7 February 2019

   Dare rakabvumira mapurisa kuongorora kuti ndivanaani vanofonerana naSergey uye kunzwa kuti zvii zvavanenge vachitaura

2. 16-17 July 2019

   Mapurisa akasecha dzimba 31 dzeZvapupu zvaJehovha muNizhny Novgorod uye muNizhny Novgorod Region. Oleg, Sergey, naSvetlana vakabva vasungwa vakaiswa murimandi vachimirira kuti nyaya yavo ipinde mudare. Dhoketi rakabva ravhurwa

3. 18 July 2019

   Oleg, Sergey, naSvetlana vakabudiswa murimandi. Dare rakabva rati Oleg naSergey, pane nguva dzavasingafaniri kubva pamba, kutaura vese kana kushandisa indaneti

4. 24 August 2021

   Roman akapomerwa mhosva yekuita mabasa ane chekuita nesangano rinonzi riri kupandukira hurumende, achibva anzi asaita nzendo

5. 3 March 2022

   Nyaya yavo yakapinda mudare