21 DECEMBER 2021 | NYAYA IYI PAYAVA: 24 JANUARY 2024
RUSSIA
NYAYA IYI PAYAVA—VAKANZI VANE MHOSVA | Mienzaniso Yevanhu Vaiva Vakatendeka Uye Kunyengetera Kuna Jehovha Zviri Kusimbisa Hanzvadzi Yelena Menchikova
Musi wa23 January 2024, dare reCherkessk City Court of the Karachayevo-Circassian Republic rakati hanzvadzi Yelena Menchikova vane mhosva uye vakatongerwa kugara mujeri kwemakore 4 nehafu. Makore acho akambosendekwa saka havasati vava kufanira havo kuenda kujeri iye zvino.
Musi wa5 December 2022, Dare reFifth General Jurisdiction Court of Cassation rakati hanzvadzi Yelena Menchikova havana mhosva. Nyaya yavo ichadzokera zvakare mudare.
Zvinhu Zvakaitika
15 December 2021
Dare reCherkessk City Court riri muKarachayevo-Circassian Republic rakati hanzvadzi Yelena Menchikova vane mhosva uye rakavatongera kugara mujeri kwemakore 5, asi mutongo wacho wakambosendekwa. Havasati vava kuendeswa kujeri iye zvino.
9 June 2021
Nyaya yacho yakatanga kutongwa mudare
9 March 2021
Akapomerwa mhosva yechipiri yekuronga kuti vamwe vaite mabasa esangano rinopandukira hurumende
10 February 2021
Aiongorora nyaya yacho akaramba chikumbiro chaYelena chekuti asapomerwa mhosva pashure pekunge Yelena atsanangura kuti nei achiita zvaanoita achishandisa mashoko ari muBhaibheri. Akabva atoti zvakaitwa naYelena zvekutaura mashoko ari muBhaibheri hutori umboo hwekuti ane mhosva
13 November 2020
Aiongorora nyaya yacho akamupomera mhosva yekuimba nziyo uye kunyengetera kuna Jehovha
12 November 2020
Mapurisa akasecha imba yaYelena kechipiri
16 December 2019
Mapurisa epachivande eFSB akapinda nechisimba mudzimba 12 dzeZvapupu zvaJehovha muCherkessk kusanganisirawo imba yahanzvadzi Yelena
Nhoroondo Yeupenyu
Tinonyengetera kuti Jehovha arambe achinyaradza uye achisimbisa hanzvadzi Yelena uyewo vashumiri vake vese vakavimbika vari kusangana nematambudziko.—Pisarema 119:49, 50.