12 MAY 2023
SUDAN
Hondo yekuSudan Iri Kuramba Ichienderera Mberi
Musi wa15 April 2023, mapoka maviri ane zvombo akatanga kurwisana muguta guru reKhartoum kuSudan. Vanobudisa nhau vari kuti hondo iyi yakonzera kufa kwevanhu vanopfuura 600 uye 5 000 vakakuvara.
Zvakaitika Kuhama Nehanzvadzi Dzedu
Hama nehanzvadzi dzakatiza kuKhartoum dzakaungana kuti dzikurudzirane muguta reWad Madani riri muSudan
Hapana hama nehanzvadzi dzakakuvara kana kuti kufa
Vaparidzi 318 vakatiza misha yavo. Vamwe vakatizira kune dzimwe nyika
Vanhu vakuru 8 vakambovharirwa vachitadza kubuda kwavanoshandira uyewo vana 5 vakambovharirwa kuzvikoro kwavanodzidza. Asi iye zvino vakazobuda uye vava nemhuri dzavo
Mabasa Ekuyamura
Vakuru vari kunyaradza vese vakawirwa nedambudziko iri
MuSudan uye munyika dziri pedyo makagadzwa Makomiti Anobatsira Panoitika Njodzi kuti azobatsira hama nehanzvadzi
Ticharamba tichinyengeterera hama nehanzvadzi dziri munyika dziri kurwisana sezvatinomirira ramangwana pakuchange kwava ‘nerugare rwakawanda’ pasi rese.—Pisarema 72:7.
Zvimwe Zvaunogona Kufarira
MIBVUNZO INONYANYA KUBVUNZWA
Zvapupu zvaJehovha zvinobatsira vanenge vawirwa nenjodzi here?
Ona kuti tinobatsira sei vanenge vawirwa nenjodzi kusanganisira vatisinganamati navo.