JW LIBRARY
Unoda Kuti Mashoko Abude Akaita Sei?—Android
Pane zvinhu zvakati kuti zviri paJW Library zvichakubatsira pakuverenga. Zvinowanika nechepamusoro pescreen panyaya yaunenge uchiverenga.
Unogona kubaya pane tumadot setwuri kuratidzwa pano kuti uone zvimwe zvaunogona kuita.
Zvinhu zvinotevera zvinokubatsira pakuchinja mabudiro anoita mashoko:
Chinja Mutauro
Unogona kuchinja mutauro wenyaya yaunenge uchiverenga.
Baya kabhatani kemitauro kuti uone mitauro yose inowanikwa nyaya yacho. Mitauro yaunowanzoshandisa, ndiyo inenge iri nechepamusoro. Unogona kuita zvekutaipa mutauro waunenge uchida.
Bhuku raunenge usati wadhaunirodha, rinenge riine kapikicha kegore. Ribaye kuti uridhaunirodhe. Kana bhuku racho rangodhaunirodhwa, kapikicha kegore kanobva kanyangarika. Ribaye futi kuti uriverenge.
Sarudza Kuti Unoda Kuti Mashoko Acho Abude Akakura Sei
Unogona kuita kuti mashoko anyatsooneka sezvaunenge uchida.
Baya bhatani rine tumadot wozobaya pakanzi Text Settings. Wadaro, chikudza kana kuderedza mashoko acho kusvika paunoda. Mashoko ose ari paapp iyi ndiwo mabudiro aanenge ava kuita.
Kushandisa View Image kana View Text
Mashoko anogona kubuda nenzira mbiri. Unogona kusarudza zvaunoda.
View Image: Unogona kuita kuti peji racho ribude sezvariri mubhuku rakaprindwa. Vamwe vanofarira kuti zvibude seizvi pakuvhura bhuku renziyo, kuitira kuti vabve vaona manotsi acho.
View Text: Unogonawo kuita kuti mashoko abude akakura sezvawasarudza uye mavhesi abude ari malinks zvekuti kana ukabaya, anovhurika.
Kushandisa pakanzi Open in . . .
Kana ukabaya pakanzi Open in . . . unogona kuverenga nyaya dziri paJW Library uchishandisa mamwe maapps.
Baya pakanzi Open in . . . kuti uone pamwe panowanikwa nyaya yacho. Somuenzaniso, unogona kubaya Open in Online Library kuti uone peji iroro paRAIBHURARI YEPAINDANETI yeWatchtower.
Customize
Ukabaya vhesi inenge yakanyorwa mubhuku, vhesi yacho inobva yavhurika. Ukabaya pakanzi Customize unokwanisa kusarudza kuti pamaBhaibheri awakadhaunirodha, ndeapi aunoda kushandisa.
Shandisa mabhatani ari kuratidzwa pano kuti uwedzere kana kubvisa maBhaibheri aunoda kushandisa.
Ona nyaya yakanzi “Kudhaunirodha Uye Kushandisa maBhaibheri—Android” kuti uone kuti ungadhaunirodha sei mamwe maBhaibheri paJW Library. Unogona kuronga kuti ndeapi aunoda kuti abude pekutanga.
Zvinhu izvi zvakatanga kushanda muna February 2015 paJW Library 1.4, iyo inoshanda paAndroid 2.3 zvichikwira. Kana usiri kukwanisa kuzviona, tevedzera mirayiridzo iri papeji rakanzi “Tanga Kushandisa JW Library—Android,” pakamusoro kanoti Wana Zvitsva Zviripo.
