Vashandi vari kugadzira pavari kuda kudyara lawn. Residence A neB dziri nechekumashure.

Kadziva kakagadzirwa nechekumashure kwemahofisi. Iri nderimwe remadziva ari pabazi iri, uye anobatsira pakuita kuti mvura inenge yanaya iwane kwekuenda. Madziva aya anobatsira pakuita kuti mvura igare yakachena, pasava nemafashamo, uye nzvimbo iyevedze.

Murume nemudzimai vari kugadzira mahofisi.

Mushandi ari kunamirira bepa padhoo remunogadzirwa musoro.

Mushandi ari kuisa zvikwangwani zvinobatsira kuti vashandi vepo uye vaenzi vazive kwavanenge vachida kuenda panzvimbo iyi yakakura maeka 85.

Mumiririri wewavanoona nezvekudzima moto munharaunda iyi ari kuongorora kuti mvura inozoshandiswa kana pabazi pakaita moto ine simba rakawanda zvakadini.

Mumwe wevari kuKomiti Yekuvaka ari kuitisa kunamata kwemangwanani vachiona kuti midziyo mitsva ichange yava kuzoshandiswa pabazi iri kushanda zvakanaka here. Purogiramu iyi yaionekwawo nemhuri yeBheteri muLondon paIndaneti.

Mushandi ari kuisa robhoti.

Vashandi vari kusvuura tambo dzemagetsi kuti waya dzacho dzizoshandiswa zvakare.

Mushandi ari kuratidza vaenzi zvichange zvakaita bazi racho. Vanhu vanopfuura 95 000 vakauya kuzoona bazi iri paraivakwa.

Imwe nhengo yeDare Rebazi rekuBritain iri kutaura nevashandi vaivaka bazi idzva pamusangano wavo wekupedzisira madhipatimendi epaBheteri asati atanga kushanda. Vashandi vanopfuura 11 000 vakazvipira kushandisa nguva yavo nesimba ravo pakuita basa iri.

Vari mudhipatimendi rinoona nezvekurekodhwa kwemavhidhiyo vari kudzidziswa kushandisa studhiyo itsva. Vakawanda vavo vakapfeka maplastic eblue pamusoro pebhutsu dzavo kuti vasakanganisa nzvimbo ichangobva kugadzirwa.

Vashandi vari kuisa jecha pazvidhinha zvakarongererwa munzira inoenda kumahofisi.

Makanika ari kugadzira chikombi mugaraji idzva. Sezvo zvivakwa zvese zvebazi zvava panzvimbo imwe chete, mhuri yeBheteri haichashandisi zvikombi zvakaita seichi pakuenda kubasa zuva rega rega. Zvimwe zvikombi zvinogona kutengeswa. Nechekumashure kune chimota chinoshandiswa nevanoona nezvekugadzira panze.

Vanhu vari kubatsira mumwe mushandi wepaBheteri kutama. Vashandi 27 vakabatsira mhuri yeBheteri kutama muna January naFebruary. Pakazosvika kutanga kwaMarch, mhuri yese yeBheteri yakanga yava kushanda nekugara pabazi idzva.

Vanoshanda mukicheni vari kugadzira zvekudya.

Imwe imba yaishandiswa paivakwa bazi yatengeswa saka yava kubviswa. Paivakwa bazi, dzimba idzi dzaigarwa nevashandi uye dzaiva pedyo nepaivakwa bazi racho. Kushandisa dzimba idzi kwakaderedza uwandu hwemagasi anokanganisa mhepo aibudiswa paivakwa bazi iri. Vanoona nezvekuchengetedzwa kwenharaunda, veBREEAM vakati urongwa hwekushandisa dzimba idzi hwakanaka chaizvo. Nechekumashure, kune dzimba dzekugara itsva.

Vedhipatimendi rekushandura vari kugadzira studhiyo yekurekodhera. Vashanduri vanoshandura vari pabazi rekuBritain mumutauro wechiIrish newechiScottish Gaelic vanorekodhera mumahofisi avo uye vanoshandisawo studhiyo iyi.

Hama iri mudhipatimendi reLDC iri kutaura nemumiririri wedhipatimendi rayo anoona nezveimwe nharaunda iri muEngland vachishandisa videoconference. Vamiririri ava vanogara vachikurukura nehama dziri kubazi nezvekuvakwa kweDzimba dzeUmambo nekuchengetedzwa kwadzo. Nechekumashure, vamwe vari mudhipatimendi reLDC vari kukurukura nezvekuvakwa uye kugadziridzwa kweDzimba dzeUmambo.

Vashandi vatsva vepaBheteri vanoshanda vachibva kumba vasvika paBheteri. Vachapinda musangano wavo wekutanga vobva vazoudzwa madhipatimendi avachange vachishandira. Bazi rekuBritain parakatanga kushanda muChelmsford, paiva nevashandi vepaBheteri vanoshanda vachibva kumba vanoda kusvika 500. Nechekumashure vashandi vanotarisa kuti maTV anoshandiswa kuratidza vaenzi zvimwe zvinoitwa pabazi iri ari kushanda zvakanaka here.