Bhaibheri Rinogona Kukubatsira Here Kana Uine Dambudziko Reutano?
Mhinduro yeBhaibheri
Hongu. Mwari ane hanya nevashumiri vake vanenge vachirwara. Richitaura nezvemushumiri waMwari akatendeka, Bhaibheri rinoti: “Jehovha achamutsigira paanenge achirwara ari pamubhedha wake.” (Pisarema 41:3) Kana uine dambudziko reutano, zvinhu zvitatu zvinotevera zvinogona kukubatsira:
Nyengetera kuti uwane simba rekutsungirira. Unogona kuwana “rugare rwaMwari runopfuura kunzwisisa kwese” urwo ruchakubatsira kuti urege kunyanya kunetseka.—VaFiripi 4:6, 7.
Iva Nemaonero Akanaka. Bhaibheri rinoti: “Mwoyo wakafara unobatsira munhu kupora. Asi mweya wakaputsika unoomesa mapfupa.” (Zvirevo 17:22, The Bible in Union Shona Version) Edza kuva munhu anofara. Kuita izvi kunokubatsira kuti usanyanya kufunga nezvedambudziko rako uye uve neutano hwakanaka.
Isa pfungwa dzako pazvinhu zvatinovimbiswa naMwari. Kunyatsotenda kuti zvinhu izvi ndezvechokwadi kunogona kukubatsira kuti ufare pasinei nedambudziko rako reutano. (VaRoma 12:12) Bhaibheri rinoti pachasvika nguva pakuchange kusina “mugari wemo achati: ‘Ndiri kurwara.’” (Isaya 33:24) Panguva iyoyo Mwari acharapa zvirwere zvese zviri kutadza kupedzwa navanachiremba mazuva ano. Semuenzaniso, panyaya yekubviswa kuchaitwa kukwegura Bhaibheri rinoti: “Nyama yake ngaive itsva kupfuura paaiva mudiki; ngaadzokere kumazuva esimba reudiki hwake.”—Jobho 33:25.
Ziva kuti: Kunyange zvazvo Zvapupu zvaJehovha zvichiziva kuti Mwari anobatsira, zvinoendawo kuchipatara kana zviine matambudziko eutano. (Mako 2:17) Asi hatina marapiro atinoti ndiwo akanaka kupfuura mamwe. Munhu mumwe nemumwe anofanira kuzvisarudzira.
Zvimwe Zvaunogona Kufarira
DZIMWE NYAYA
Zvaungaita Kana Wava Kunyanya Kurwara
Mazano api ari muBhaibheri anogona kukubatsira kana utano hwako hukangorekana hwatanga kudzikira?
VECHIDIKI VANOBVUNZA KUTI
Ungaitei Kana Uchirwara?—Chikamu 1
Vechiduku 4 vanotsanangura zvinovabatsira kuti vatsungirire matambudziko avo ourwere uye kuti vasanyanya kuzvidya mwoyo.
ESSENTIAL BIBLE TEACHINGS
Nei Mwari Achibvumira Kutambura?
Vanhu vakawanda vanobvunza kuti nei nyika yakazara kuvengana uye kutambura. Bhaibheri rinopa mhinduro inogutsa uye inonyaradza.
KUTSANANGURWA KWEMAVHESI
Kutsanangurwa kwaVaFiripi 4:6, 7—“Musazvidya Mwoyo Nezvechinhu Chero Chipi Zvacho”
Minyengetero yakaita sei ingapiwa nevanamati vaMwari kuti vasanyanye kunetseka uye kuti vawane rugare mumwoyo mavo?
NEZVEDU
Kumbira Kushanyirwa
Unogona kukurukura nesu kana uine mubvunzo wauinawo une chekuita neBhaibheri kana kuti kana paine zvaunoda kuziva nezveZvapupu zvaJehovha.