Ndezvipi Zvikonzero Zviviri Zvinoita Kuti Mwari Asanzwa Mimwe Minyengetero?
Mhinduro yeBhaibheri
Pane mimwe minyengetero isingapindurwi naMwari. Ona zvinhu zviviri zvinogona kuita kuti Mwari asanzwa minyengetero yomunhu.
1. Munyengetero wacho unenge usingaenderani nekuda kwaMwari
Mwari haapinduri zvikumbiro zvinenge zvichipesana nechinangwa chake, kana kuti mitemo yake, yakanyorwa muBhaibheri. (1 Johani 5:14) Somuenzaniso, Bhaibheri rinoti tisava nemakaro. Kubheja kunoita kuti munhu ave nemakaro. (1 VaKorinde 6:9, 10) Saka Mwari haambopinduri munyengetero wako kana ukanyengetera uchida kuhwina rotari. Mwari haasi munhu wokuti unokumbira chero chauri kuda obva akuitira. Dai ari iwo maitiro ake, vanhu vaizogara vakabatira ura mumaoko uchityira kuti vamwe vanhu vanogona kukumbira Mwari kuti uwirwe nematambudziko zvobva zvaitika saizvozvo.—Jakobho 4:3.
2. Kana munhu ari kunyengetera achipandukira Mwari
Mwari haateereri minyengetero yevanhu vasingamuteereri nemaune. Somuenzaniso, Mwari akaudza vaya vaiti vanomushumira asi ivo vachimupandukira kuti: “Kunyange mukaita minyengetero mizhinji, handizoteereri; maoko enyu azere neropa.” (Isaya 1:15) Asi dai vaizochinja mararamiro avo uye vova neukama hwakanaka naMwari, Mwari aigona kuzoteerera minyengetero yavo.—Isaya 1:18.
Zvimwe Zvaunogona Kufarira
NHARIREYOMURINDI
Nei Mwari Asingapinduri Mimwe Minyengetero?
Bhaibheri rinotaura kuti minyengetero yakaita sei inopindurwa naMwari uye yaasingapinduri.
MIBVUNZO YEBHAIBHERI INOPINDURWA
Chii Chandinganyengetera Nezvacho?
Ona kuti sei tisingafaniri kufunga kuti Mwari haanei nezviri kunetsa munhu mumwe nemumwe.
NHARIREYOMURINDI
Mwari Anopindura Minyengetero Yese Here? Tinofanira Kunyengetera Takaita Sei?
Mwari achapindura minyengetero yako here?
NHARIREYOMURINDI
Ungaita Sei Kuti Minyengetero Yako Inzwiwe naMwari?
Unogona kutaura naMwari chero kwaunenge uri, chero nguva uye unogona kuzviita kunyange nechemumwoyo. Jesu akatibatsira kuziva zvekutaura patinenge tichinyengetera.
ESSENTIAL BIBLE TEACHINGS
Mwari Anoteerera Minyengetero Yese Here?
Ko kana munyengetero wemunhu uri weudyire? Ko kana murume achishungurudza mudzimai wake asi onyengetera kuti Mwari amukomborere?
ZVINODZIDZISWA NEBHAIBHERI
Imboedza Kuita Kosi yeBhaibheri
Dzidza Bhaibheri uchibatsirwa nemumwe munhu.