Akambo wananghemá l’andja w’otondo lá 2023, nyɛnyɛka ente towika l’etsho wɛ Bible etande ante ‘etsho w’ekomo.’ (2 Timɔte 3:1) Lenda wopo wɔ akambo wananghema lá looko okanawɔ la kɛnɛ kɛ Bible yatepela ente wangokotshama l’eleko kɛnɛ.

Bible edjinge akambo wananghema

 ‘Ambandji edjinge nsango y’ambandji.’​—Mateo 24:6.

•   “Ambandji yɛ wolo inanema lá todjena efula telá looko.” a

 ‘Atshikito wa looko wangonanghema lá ndjena lá ndjena.’—Marko 13:8.

•   “Má bango djɛ 2023, atshikito wa looko wa nkekete (magnitude 7) wambonanghema mbala 13 l’andja, ɔsɔ ndeke mbala kɛ ntondo kɛ looko ntshikita mbala 13 l’ɔnɔnyi ɔmɔ.” b

 ‘Tolembetelo tɔ nkekete.’​—Luka 21:11.

•   “Lá winá wɔ yaane y’efula nsila; tombingela win’ɔsɔ lá iyɛ y’efula.”​—António Guterres, Secrétaire générale ya ONU. c

 ‘Ndjala.’​—Mateo 24:7.

•   “2023: Ɔnɔnyi ɔmɔtshi wɔ ndjolo lombombe le ankfumbo yɛna ndjolo djɛ mba olelo.” d

 ‘Winá wɛ ndjolo efula edjinge w’ekakasano​—2 Timɔte 3:1.

•   “Onto ɔmɔtshi l’anteyi k’anto wapɔlɔ wel’andja atata olando welá wɔɔngɔ.” e

Kɛkɔnge ketokonga lá 2024?

 Lako onto kaanga ɔmɔ wewa akambo wangoheta lá 2024. Koko akambo wananghema l’andja nyɛnyɛka ente Onkfumi wɔ Ndjambe, kana guvɛrnema djelá djiko djɛngɔsa edjena kɛ aguvɛrnema wa wana w’anto la djengimɛ akambo ankfumɔ waposɛka ndjolo la ambandji.​—Danyɛlɛ 2:44; Ndjiso 21:4.

 Lá winá w’okongaso Onkfumi wɔkɔ,tokoka mpona okotshɔ le Ndjambe winá w’oyɛso l’evungusano. Ete ngo Bible otepelande :

 ‘Winá w’oyɛmi la wɔɔma lemi ndawɛkɛka te wɛ.’​—Yeembo 56:3.

 Wopo wɔkɔnge w’okokami ndawɛkɛ ngo te Yehova? Tɔmbɔkɔlɔmba djɛ ndeka akambo ankina wa Bible otepelande djɛ l’eleko k’ekomo la kɛ ndjolo. Ntsha ɔkɔpa, awola djɛ ndjeka Bible laso edjinge ɛna wopo wɔ wɛ nya nkfumbo kɛko nyongowa waapɔ m’akambo wa Bible olakande.