Etengo sombowanga ɔnɔnyi wɔ 2023, isankfumɔ tolekɔ la nkongi djɛ akambo wa wɔlɔ wangotoyakala edjinge wongoyakala ankfumbo yɛso osasa. Lamo okokaso ndjala la nkongi djɛkɔ mmɔ?

 Bible nkapanaka laso losango lɔ wɔlɔ lolendana l’ekakasano w’opomanaso winá wɔsɔ ante oyɛwɔ ngo w’itenyi yɛ winá edjinge wengoshila. Djɛkondeke, Bible ‘djefunamaka djɛ ntopɛyɛ olakanyelo, djɛ má okfumedji. . . má osukɔ wemá Afunelo, iso ndjalaka la nkongi.’—Ɔrɔma 15:4.

•   Djɛ ndjewa akambo ankina wa Bible olakande, wala djamba: “Elikya ya solosolo mpo na mikolo ezali koya.”

 Nkongi djelekɔ la Bible nkoka ndjala etengo ‘loongo lá mbiko yɛso.’ (Hebero 6:19, nɔtɛ kelánse kɛ nkishi) Nkongi djɛsɔ nkoka ntokembɛ. Djekoka ntokotshɛ́ nkfulumeyɛ ekakasano wɛ winá wɔsɔ, djɛ ndjala la nkelembo edjinge djɛ ndjala l’osasa wɔ l’etsho weyaye. Ndjɔmbɔmba:

•   Ntɛnyɛ wopo wɔ nkongi djemá Bible okotshɛwɔ onto ɔmɔtshi wonana l’enangedji kɛ ndalɔndjɛ nyɔmɛlɛ. Lenda video: Lakayohetshaka yoho yami ya lɔsɛnɔ.

•   Lenda wopo wɔ nkongi djelá Bible okokawɔ ntokotshɛ́ winá wɔ ovusɛso onto ɔmɔtshi w’okaso ngandji. Lenda video: Okotshɔ te waalekɔ́ la yɛnyi.

 Onto efula ndjalaka la nkongi l’akambo wa wɔlɔ djɛ ndjala l’osasa, koko wapawola ambɔ nkongi djɛwɔ ngokotshama nsɔsɔlɔ. Kɛnɛ kɛ Bible olakande ketshikitana. Lamo? Ladjikɛnde alaka wa Bible oyɛwɔnde me Yehova Ndjambe a nyɔmɛlɛ, ‘kanga lopatepelaka ongolo.’ (Tito 1:2) Koko Yehova nyɛnyɛka djɛ alaka wande ankfumɔ wangokotshama nsɔsɔlɔ; nde nkoka nangha ‘kenkfumɔ k’ɔkɔpande nangha.’—Yeembo 135:5, 6.

 Tolekɔ l’osasa wɔ nketa djɛ wɛ ndowa etshɔkɔ wemá nkongi djɛ nsɔsɔ. Wɛ nkoka mpikama lá nsɔsɔlɔ má ‘nshishimaka Afunelo.’ (Elemo 17:11) Isola nyɔmɛlɛ má nkilika wekelo wɔ Bible ipa la mfuta mfalanga. Wanga má ndjala la nkongi djɛ wɔlɔ má 2023!