L’ilá k’ɔnɔnyi 2022, aguvɛrnɛma yel’andja w’otondo waposɛka adɔlara 2, 240 ngo má wopo wɔ Russie ndatshu ntonanyɛ Ukraine. mfalanga efula ndeka wopo wɔ yaposɛ ntondo djɛ nsomba eta. Lá nkilika losango lɔ bango loposisá lá Ngɔndɔ k’anɛyi 2023, olonghanyelo ɔmɔtshi w’etawɔ: Institut international de recherche sur la paix de Stockholm (SIPRI), l’ila kɛ 2022:

•   Mfalanga yɛ ewila w’Europe iyaposɛ lá nkambo djɛko yelekanaka otale “pursa (13%) yɛ mfalanga iyomboposɛ ntateyɛ má 1991 winá ovungusano woyalisá l’antenyɛ ewila welá ɛstɛ la welá owɛstɛ welá Europe wekomaka l’ekomo.”

•   “Mfalanga yɛ owila wɔ Russie yombo posɛ djɛ nsomba eta imbohanda efula (9.2%). Wombima owila w’atano edjinge wombokoma w’asato lá andja w’otondo womboposɛ mfalanga efula djɛ nsomba eta.”

•   États-Unis ndeke owila wɔ ntondo l’andja w’otondo lá nkambo djɛkɔ, “ladjikɛnde woposɛka 39% yɛ mfalanga yeleka mfalanga inkfumɔ y’ewila wel’andja yoposɛka djɛ nsomba eta.”

 Dr. Nan Tian, onto ɔmɔtshi wɔ balo lá akambo wa économie, lolekɔ́ lonkina l’anteyi kɛ wafunisá lopɔlɔ lɔ SIPRI, ntepela ante: “Má nyɛna l’ɛnɔnyi wemboheta, wopo wɔ aguvɛrnɛma yakindjɛka mposɛ mfalanga efula djɛ nsomba eta nyɛnyɛka ente towika lá andja amɔtshi wapalekɔ́ l’elamelo.”

 Bible ambolakaká ante waguvɛrnɛma yɛ wolo wangoyalaka l’ekakasano l’anteyi kɛwɔ, djetoshimela edjinge ante ngo owila ɔmɔ ndeke longoyakala vu djɛ nsɔsɔlɔ.

•   Bible ndjetaka etsho w’owikaso wɛnɛ ante ‘etena kemboshikikɛma k’ekomo.’—Danyɛlɛ 8:19.

•   Onkanda wɔ Danyɛlɛ w’ewoyɛka ante l’ilá kɛ winá wɔkɔ, ewila wɛ nkfulu wengokakasana. Ewila wɛkɔ wengo nana djɛ ɔmɔtshi ndeka ‘winande wolo’. Ambandji l’antenyɛ ewila wɛsɔ yɛngɛnyɛ ente wemboposɛ ‘ekfudji wɛ nkonga la wɛ mpawonyi wembowombmama.’—Danyɛlɛ 11:40, 42, 43.

 Djɛ ndjewa akambo ankina lá prɔfɛsi kelá Bible kɛ nkamɔ kɛsɔ, lenda video Esakweli moko ezali kokokisama: Danyele mokapo 11.

•   Bible alakaka ante Ndjambe angɔhɛnyɛ aguvɛrnɛma wa wana w’anto la mɔtshi. Nde ‘angila onkfumi ɔmɔtshi wopangotshitana. Edjinge onkfumi wɔkɔ wopangɔlɔndjɛma l’ɔkɔngɔ w’owila onkina. Wongotshita edjinge wongokomɛ enkfumi wɛkɔ enkfumɔ, ko wɔkɔ wongotshikala lotshinda.’—Danyɛlɛ 2:44.

•   Lako ilá, Yehova a Ndjambe angonangha nkambo mɔtshi djɛ anto yopalekɔ́ la mbamba kɛ nangha, angila vu djɛ nsɔsɔlɔ edjinge djengotshikala lotshinda lotshinda. Wopo wɔkɔnge? Onkfumi wɔnde, guvɛrnɛma djel’olongo wongotshita eta enkfumɔ edjinge wongoshiyɛ evungusano.—Yeembo 46:8, 9.

 Djɛ ndjewa akambo amɔtshi wa Onkfumi wɔ Ndjambe yogonangha, wala djamba “‘Wɔladi wayofulanɛ’ l’ɛlɔmbwɛlɔ ka Diolelo diaki Nzambi.”