Etengo okakasano welá Ukraine ɛnyɛwɔ, efula kɛ ewandji wɛ ntolo wakembɛ anto ngo nana mbandji. Lenda wopo wɔ ewandji wɛ nkɛlɛsiya osukawɔ enkoko wɛkɔ epe:

•   “Djedjɛ efula edjinge osasa wɔ nyɛna wopo wɔ angala waso osukawɔ owila wɔwɔ wɔ lowɔtshɔ Ukraine me antonyi . . . Atoyi waso, ndɔmbɔ yɛso yɛ m’anse k’oloko, edjinge tolekɔ ngo entshupa djɛ nyosuka.”—Metropolitan Epiphanius I of Kyiv, etengo jurnalɛ The Jerusalem Post otepelawɔ, Ngɔndɔ k’asato 16, 2022.

•   “Owandji w’etolo kɛ Orthodox kelá Russie asawolaka nya angala wa Russie lofu lɔ lobengo djɛ ndashimela dj’iwɔ nanela owila wɔwɔ “etengo angala wa Russie okokawɔ nangha” koko ase Moscou wakindjɛ ndɔngɔsɔla angala lá Ukraine.”—Reuters, Ngɔndɔ k’anɛyi 3, 2022.

 Etengo ɛnyɛwɔ, Akristo ndɔsaka opiko la wayi w’ambandji? Bible otepelande nge?

 Bible nyɛnyɛ ante Yeso Kristo atingela kana ndapɛyɛ lá wayi wa mbandji.

•   “Kawoyɛ lokfula lɔko tá edjena kɛnde, ladjikɛnde onto onkfumɔ wokota lokfula angovɔ ngo la lokfula.”—Mateo 26:52.

   Onto w’ingela la wayi w’ambandji kana w’onana ambandji nɛmɛyɛka etepela wɛ Yeso?

•   “Lambonyɔpɛyɛ ɔlɛmbɛ wɔ bango, djɛ nyo nkɔpana l’anteyi kɛnyo; ngo ngete mɔnyɔkɔpɛ, nyo koko nyɔkɔpane l’anteyi kɛnyo. Má akambo ankfumɔ wasɔ anto wangewa ambɔ ambeki wami nde oyɛnyo, ntsha nyombokana ngandji l’anteyi kɛnyo.”—Djɔanɛ 13:34, 35.

   Onto w’osuka mbandji nyɛnyɛka ante nde nyɛnyɛka wopo wɔ ngandji kɛ Yeso ndatepela, kɛ yongolembetela ambeki wande?

 Djɛ ndjewa akambo ankina efula, wala djamba “Peut-on concilier guerre et christianisme?”

 Alekɔ wɔlɔ djɛ Akisto ndjewɔ ambandji lɔɔko kɛnɛ? Ee. Bible alakaka ante lá eleko kɛso kɛnɛ, eleko k’etawɔ ambɔ, “etsho w’ekomo,” angoyala l’anto wemá ewila enkfumɔ “wapangeká akambo w’ambandji lonkina”, lá nkilika etepela wɛ Yeso.—Izaya 2:2, 4, nɔtɛ.

 Lako ilá Yehova, a “Ndjambe kɛɛ vu,” okamba l’onkfumi wɔnde wel’olongo djɛ mbikɛ anto “má ndjolo edjinge má wayi wa lopango.”—Filipɛ 4:9; Yeembo 72:14.